Stólalyftan og Fjarkinn í Hlíðarfjalli verður opin frá 2. júlí til 30. ágúst í sumar. Í Hlíðarfjalli er góð aðstaða til útivistar bæði fyrir hjóla- og göngufólk. Hægt er að taka hjólið með sér í lyftuna og gangandi geta tekið lyftuna bæði upp og niður og þá fyrir sama verð.
Fjórar hjólabrautir eru í fjallinu, Suðurgil, Andrés, Hjalteyrin, Ævintýraleið og svo eru þrjár aðrar, tvær frá gönguhúsi og ein frá lyftuskúr við Fjarkann sem allar liggja yfir í Glerárdal. Fyrir þá sem eru gangandi er tilvalið að stoppa við Strýtuskála og njóta útsýnis yfir Akureyrabæ og Eyjafjörð. Frá Strýtuskála er svo merkt gönguleið upp á brún Hlíðarfjalls. Þegar þangað er komið er til dæmis hægt að ganga að Harðarvörðu, Blátind, Bungu, Strýtu, Kistu eða á Vindheimajökul og á góðviðrisdögum má oft sjá yfir í Mývatnssveit, Herðubreið eða vestur í Skagafjörð svo eitthvað sé nefnt.
| Opnunartímar | Verðskrá | fullorðnir | börn/ellilífeyrisþegar |
| Fimmtudagar frá kl. 17 – 21 | Ein ferð | 1.100 | 600 |
| Föstudagar frá kl. 16 – 20 | 1. dagur | 4.300 | 1.600 |
| Laugardagar frá kl. 10 – 18 | Helgarpassi | 10.600 | 3.900 |
| Sunnudagar frá kl. 10 – 16 | Sumarkort | 26.400 | 13.300 |
