Fréttatilkynning frá Betri Fjallabyggð, I-lista.
Betri Fjallabyggð endurspeglar þversnið samfélagsins í Fjallabyggð. Við kynnum með stolti stefnuskrá I-lista fyrir sveitastjórnarkosningarnar í Fjallabyggð 2018.
Aukin atvinnutækifæri
- Hvetja til nýsköpunar og klasasamstarfs milli atvinnugreina í Fjallabyggð og nágrannabyggðum s.s. með aðkomu að auðlindatorgi.
- Efla innviði og auðvelda fólki að vinna skapandi vinnu og störf án staðsetningar.
- Auka fjölbreytni í störfum fyrir fatlaða og aldraða með þátttöku fyrirtækja og stofnana í Fjallabyggð.
- Vinna að því að fiskeldi og vinnsla fái að rísa í Ólafsfirði. Koma á kerfisbundnum og gagnsæjum þrýstingi til að svo megi verða.
- Innleiða tímabundnar ívilnanir fyrir nýstofnuð fyrirtæki í Fjallabyggð s.s. með styrkjum.
Umhverfismál
- Vinna að því að stofnanir sveitarfélagsins verði til fyrirmyndar m.t.t. umgengni, flokkunar og losun úrgangs og hvetja fyrirtæki og almenning til hins sama.
- Gera langtímaáætlun um sjálfbærari, umhverfisvænni og fegurri Fjallabyggð í samvinnu við einstaklinga, hópa og fyrirtæki. Hreinsa, lagfæra, mála og fegra umhverfi í eigu sveitarfélagsins á kjörtímabilinu.
- Efla samstarf við Vegagerðina enn frekar m.t.t. gatna- og gangstígagerðar.
- Bæta ásýnd opinna og grænna svæða t.d. með uppgræðslu og skógrækt.
- Efla umhverfisvitund almennings, bæta aðgengi og upplýsingaflæði um flokkun, losun og flutning sorps.
Samgöngumál og innviðir
- Bæta aðgengi fatlaðra, aldraðra, gangandi og hjólandi vegfarenda um sveitarfélagið.
- Leggja áherslu á snjómokstur gönguleiða/gangstétta.
- Fjölga almenningsferðum innan og milli byggðakjarna.
- Þrýsta á að Siglufjarðargöng (Hólsdal/Ketilás) verði partur af samgönguáætlun 2019-2030. Koma á kerfisbundnum og gagnsæjum þrýstingi til að svo megi verða.
- Sjá til þess að umbætur í jarðgöngum milli Ólafsfjarðar og Dalvíkur verði partur af jarðgangnaáætlun eins fljótt og auðið er.
- Beyta sér fyrir því að raforkuflutningur verði efldur til Fjallabyggðar. Koma á kerfisbundnum og gagnsæjum þrýstingi til að svo megi verða.
Stjórnsýsla
- Auka gagnsæi stjórnsýslunnar og gera ákvörðunartöku hennar auðskiljanlegri fyrir íbúa Fjallabyggðar.
- Bæta aðgengi að bæjarfulltrúum s.s. með tímapöntunarfyrirkomulagi á heimasíðu.
- Koma á íbúalýðræðisverkefnum, þar sem íbúar geta haft meira um það að segja hvaða verkefni eru tekin fyrir.
- Efla heimasíðu sveitarfélagsins m.t.t. upplýsingaflæðis, aðgengis og enn frekari notkunar.
Ferðamál
- Fjallabyggð aðstoði ferðaþjónustuaðila í að veita markvissa og öfluga upplýsingagjöf meðal annars m.t.t. öryggis ferðamanna og til að laða fleiri að.
- Samræma upplýsingagjöf milli byggðakjarnanna um þá þjónustu sem í boði er í Fjallabyggð.
- Fjallabyggð móti sér stefnu sem heilsueflandi áningarstaður fyrir líkama og sál.
- Bæta aðstöðu fyrir ferðamenn jafnt sem heimamenn sem stunda íþróttir s.s. brimbretta- og sjósundsiðkendur.
Búsetumál
- Markaðssetja Fjallabyggð sem góðan stað til að búa á.
- Styðja íbúa sem hafa annað móðurmál en íslensku til að aðlagast samfélaginu enn frekar.
- Vinna að frekari uppbyggingu Hornbrekku til þæginda fyrir heimilismenn og starfsfólk í samvinnu við Ríkiseignir.
- Bæta þjónustu við eldri borgara og fatlaða sem búa í eigin húsnæði.
- Hækka tekjuviðmiðun öryrkja og aldraðra vegna afsláttar á fasteignagjöldum.
- Innleiða ívilnanir fyrir endurbyggingu gamalla húsa s.s. með uppbyggingarstyrkjum.
- Innleiða ívilnanir fyrir nýbyggingar húsa s.s. með frestun eða eftirgjöf á gatnagerðar- og lóðargjöldum.
Íþrótta- og menningarmál
- Frítt í sund og líkamsrækt fyrir aldraða og öryrkja.
- Hækka frístundastyrk barna um 10.000.
- Vinna gegn einsemd og einangrun eldri borgara í Fjallabyggð með auknu framboði af námskeiðum, æfingum og æfingartækifærum við hæfi.
- Hefja uppbyggingu á gervigrasvelli á kjörtímabilinu.
- Aðstoða við frekari uppbyggingu skíðasvæða og golfvalla.
Menntamál – Leikskólar
- Auka systkinaafslátt á leikskólum.
- Lenging valkvæðs opnunartíma þannig að leikskólar byrji fyrr að morgni.
- Bæta heilsuvitund barna, matseðill í leikskólum taki mið af því.
- Efla umhverfisvitund barna.
- Tryggja áframhaldandi vinnu við eflingu samstarfs milli leik- og grunnskóla.
Menntamál – Grunnskólar
- Efla Frístund enn frekar.
- Styðja starfsfólk skóla við starfsþróun s.s. í gegnum Erasmus+ og NordPlus.
- Stuðla að aukinni samvinnu milli foreldra og skóla.
- Bæta námsárangur og félagsfærni enn frekar.
- Bæta heilsuvitund barna, matseðill í grunnskóla taki mið af því.
- Efla umhverfisvitund barna.
- Auka víðsýni og fræðslu barna um málefni minnihlutahópa.
- Auka samstarf milli skóla og atvinnulífs m.t.t. fjórðu iðnbyltingarinnar.
- Styðja börn, foreldra og skóla í að takast á við áskoranir stafræns veruleika.
- Efla sérkennsluúrræði.
