Vilja efla kvennahlaup ÍSÍ á Siglufirði

Umf Glói á Siglufirði mun halda Sjóvá kvennahlaup ÍSÍ sextánda árið í röð þann 15. júní nk. Þetta verður þrítugasta Kvennahlaupið og verður því meira um dýrðir en nokkur sinni fyrr.

Því miður hefur þátttaka í hlaupinu á Siglufirði verið að dala undanfarin ár eins og víðar á landinu og vill því Umf Glói snúa þeirri þróun við á afmælisárinu. Stofnuð hefur verið sérstök síða á fésbókinni fyrir hlaupið á Siglufirði.

Sjóvá Kvenna­hlaup ÍSÍ er haldið á yfir 80 stöðum á land­inu. Fjöl­menn­asta hlaupið er haldið í Garðabæ og einnig fer stórt hlaup fram í Mos­fellsbæ. Á lands­byggðinni fara einnig fram fjöl­menn hlaup sem skipu­lögð eru af öfl­ugum konum í hverju bæj­ar­fé­lagi fyrir sig.

Fyrsta Kvenna­hlaupið var haldið árið 1990. Upp­haf­lega var markmið hlaups­ins að fá fleiri konur út að hreyfa sig og að hvetja konur til þátt­töku í starfi íþrótta­hreyf­ing­ar­innar á Íslandi. Þau markmið hafa um margt náðst þar sem konur hreyfa sig mun meira í dag en fyrir 30 árum, ís­lenskar íþrótta­konur eru að ná frá­bærum ár­angri á heimsvísu og margar konur í for­svari fyrir íþrótta­hreyf­ing­una hér­lendis.

Í dag er áherslan ekki hvað síst á sam­stöðu kvenna, að hver njóti þess að hreyfa sig á sínum for­sendum og eigi ánægju­lega sam­veru­stund með fjöl­skyldu og vinum.

Hlaupið er ár­viss viðburður hjá mörgum konum sem taka dag­inn frá til að hlaupa með dætrum, mæðrum, ömmum, systrum, frænkum og vin­konum sínum og margir karl­menn slást líka í hóp­inn.