Sveitarfélagið Skagafjörður hefur auglýst eftir tilboðum í jarðvinnu, lagnavinnu, uppsteypu og frágang vegna gervigrasvallar á Sauðárkróki. Verkið felst í uppsteypu stoðveggja, tæknirýmis og undirstaðna undir ljósamöstur, jarðvinnu, frárennslis- og snjóbræðslulagnir, hellulögn o.fl. Allri uppsteypu ásamt frágangi undir gervigras skal vera lokið eigi síðar en 31. ágúst 2017. Lagning gervigrass er ekki hluti af útboði. Verklok eru 1. nóvember 2017.
Helstu verkþættir eru:
- Gröftur 2.000 m³
- Aðflutt efni, burðarlag og jöfnunarlag 3.000 m³
- Steypumót 550 m²
- Bendistál 7.500 kg
- Steinsteypa 110 m³
- Fráveitulagnir 220 m
- Niðurlögn snjóbræðslulagna 37.000 m
- Grindagirðingar 220 m
- Hellulögn 305 m²
Útboðsgögn verða til afhendingar á Verkfræðistofunni Stoð ehf. á Aðalgötu 21 á Sauðárkróki frá og með mánudegi 12. júní. Einnig er hægt að óska eftir útboðsgögnum í tölvupósti á netfangið atli@stodehf.is. Tilboð verða opnuð þriðjudaginn 27. júní nk. kl 13:00 á Verkfræðistofunni Stoð ehf. á Sauðárkróki.