Tindastóll sigraði botnlið Sindra

Tindastóll mætti Sindra á Sauðárkróksvelli í gær í 2. deild karla í knattspyrnu. Sindri hafði fyrir leikinn ekki unnið leik og ætluðu að selja sig dýrt. Ekkert mark var skorað í fyrri hálfleik og var jafnræði með liðunum.  Á annari mínútu síðari hálfleiks fær Tindastóll vítaspyrnu og úr henni skorar Kenneth Hogg, með sitt 9 mark í 12 leikjum í deildinni í sumar. Staðan 1-0 fyrir heimamenn. Á 70. mínútu skorar Arnar Ólafsson fyrir Tindastól, en hann hafði komið inná sem varamaður í upphafi síðari hálfleiks. Lokatölur leiksins 2-0.

Tindastóll komst með þessum sigri í 8. sæti deildarinnar með 15. stig, en einum leik er ólokið í umferðinni. Næsti leikur Tindastóls er gegn Fjarðabyggð og fer leikurinn fram á Sauðárkróki.