Stórhríð á norðanverðu landinu

Óvissustig vegna snjóflóðahættu er í gildi á Mið-Norðurlandi. Snjóað hefur á Norðurlandi frá því snemma í morgun og enn er að bæta í úrkomu og vind.  Siglufjarðarvegur og Ólafsfjarðarmúli eru lokaðir vegna veðurs og snjóflóðahættu. Búast má við því að frekari snjóflóðahætta geti skapast í fjalllendi í Skagafirði, Tröllaskaga og austur fyrir Eyjafjörð.

Veðurstofa Íslands greinir frá þessu.