Staðsetning af styttu Gústa guðsmanns samþykkt

Skipulags- og umhverfisnefnd Fjallabyggðar hefur samþykkt að stytta af Gústa guðsmanni verði staðsett á Ráðhústorgi á norðausturhorni, þar sem Gústi var vanur að standa. Listamaðurinn Ragnhildur Stefánsdóttir sér um gerð styttunnar. Bæjarstjórn Fjallabyggðar hefur einnig staðfest málið með 5 atkvæðum, en Steinunn M. Sveinsdóttir hjá S-lista Samfylkingar sat hjá í atkvæðagreiðslu.
Árið 1897 fæddist Guðmundur Ágúst Gíslason, sem er betur þekktur undir nafninu Gústi Guðsmaður. Hann lést 12. mars 1985.  Gústi var þekktur fyrir að boða drottins orð á Ráðhústorginu á Siglufirði. Gústi gerði út bátinn Sigurvin og gaf hann allan ágóða af útgerðinni til hjálparstarfs fyrir börn í Afríku.