Grunnskóli Fjallabyggðar er að leggja upp í vegferð um bætt skólastarf. Verkefnið er kallað Framúrskarandi skóli – færni til framtíðar. Skólaþingið er liður í vinnu nemenda, starfsfólks, kennara og foreldra við að móta stefnu skólans. Frá þessu er greint á vef grunnskólans.
Samstarf við foreldra, fyrirtæki og stofnanir er lykilatriði svo skólastarf dafni í Fjallabyggð. Grunnskóli Fjallabyggðar hvetur sem flesta til að mæta og leggja sitt af mörkum til að byggja upp framúrskarandi skóla í Fjallabyggð.
Þingið verður haldið í Grunnskóla Fjallabyggðar við Tjarnarstíg í Ólafsfirði, þriðjudaginn 9. apríl kl. 18.00- 20:00. Léttar veitingar í boði.