Skíðagöngubraut lögð í Héðinsfirði

Skíðafélag Ólafsfjarðar mun leggja skíðagöngubraut í Héðinsfirði sem verður tilbúin laugardaginn 6. apríl kl. 11:00.  Brautin verður lögð frá Grundarkoti og eitthvað inn fyrir Ámá. Skíðaæfing félagsins verður því í Héðinsfirði á morgun og ætla foreldrar að fjölmenna.

Skíðasvæðið í Tindaöxl verður opið frá kl. 13:00-16:00 á morgun laugardag.  Kvöldopnun verður svo á Skíðasvæðinu í Tindaöxl frá kl 20:00-22:00 fyrir 16 ára og eldri. Lyftugjald inniheldur fjallakakó og kostar 1.000 kr. Tónlist og stemmning í fjallinu og Bárubrautin verður að sjálfsögðu troðin líka.
Í dag föstudaginn 5. apríl er skíðasvæðið í Tindaöxl opið frá kl. 16:00-19:00 og búið er að troða Bárubraut. Aðstæður er fínar, nægur snjór en nokkuð blautur.