Á dögunum skrifaði Primex Iceland undir styrktarsamning við afrekskonuna Sólrúnu Önnu Ingvarsdóttur. Hún er hluti af A-landsliði Íslands í Badminton og afrekshóp Badmintonsambands Íslands. Ásamt því að keppa og stunda æfingar erlendis er hún líka að þjálfa. Sólrún Anna gerði sér lítið fyrir á dögunum og vann sterkt meistaramót Badmintonfélags Hafnarfjarðar í einliðaleik meistaraflokki kvenna. Það verður spennandi að fylgjast með henni á næstu árum.
