Plöntuskiptidagur hjá Fríðu

Plöntuskiptidagur verður á Frida Súkkulaðikaffihúsi á Siglufirði, föstudaginn 3. maí milli 16.00-18:00 og eru allir velkomnir meðan húsrúm leyfir.

Pottaplöntur hafa orðið æ vinsælli að undanförnu og þar sem nú er tíminn til að umpotta þeim og jafnvel skipta upp plássmiklum plöntum þá er hugmyndin að opna fyrir möguleikann á því að koma með alla afleggjarana sem hafa orðið til við það að umpotta, skipta á þeim við einhvern sem langar og fara kannski heim með alveg nýja plöntu sem þú átt ekki heima.  Frítt uppáhellt kaffi í tilefni dagsins.

Hægt er að skrá sig á viðburðinn á fésbókinni.