Páskadagskrá í Ólafsfjarðarkirkju

Ýmislegt verður um að vera í Ólafsfjarðarkirkju um páskana, meðal annars kyrrðar- og endurnýjunarganga, lestur Passíusálma, kvöldvaka, Hátíðarguðsþjónusta og tónlistarmessa.

Dagskrá:

13. apríl Skírdagur

Kyrrðar- og endurnýjunarganga verður í Ólafsfjarðarkirkju á skírdag, 13. apríl.
Lagt verður af stað frá Ólafsfjarðarkirkju kl. 10:00 og gengið út að Leiti á Kleifum Góðgæti á boðstólnum í safnaðarheimilinu að lokinni göngu.

Um kvöldið verður Tónlistarmessa kl. 20:00. Hjónin Kristjana Arngrímsdóttir og Kristján Hjartarson sjá um tónlistina.

Óhefðbundin altarisganga
Brauð frá Aðalbakaríinu og vínber úr Kjörbúðinni
Ókeypis aðgangur

14. apríl föstudagurinn langi
Lestur Passíusálmanna hefst kl. 11:00 og stendur til ca. kl. 15. Fólk á öllum aldri les – Kaffi í safnaðarheimilinu

Kvöldvaka við krossinn kl. 20:00 Lesið úr Píslarsögunni og flutt orð Krists á krossinum. Gengið út úr kirkjunni í myrkri og þögn

16. apríl páskadagur
Hátíðarguðsþjónusta kl. 9:00 Hátíðartón sr. Bjarna Þorsteinssonar sungið. Forsöngvari: Jón Þorsteinsson. Kaffi og páskaegg í safnaðarheimilinu. Gleðjumst saman yfir sigri lífsins yfir dauðanum