Opna leikskóladeild fyrir 5 ára í Glerárskóla

Akureyrarbær hefur tekið ákvörðun að 5 ára leikskóladeild verði starfrækt í húsnæði Glerárskóla næsta skólaár. Deildin verður undir stjórn leikskólans Tröllaborga.  Umsóknir um leikskólapláss á deildinni eru þú þegar farnar að berast eftir kynningu sem haldin var nýlega.  Rétt er að taka fram að hér er um að ræða nýjan valkost fyrir foreldra 5 ára barna í Glerárskólahverfi. Þeir foreldrar sem hafa áhuga á að skrá börn sín í þessa nýju deild þurfa að sækja um það sérstaklega.  Einnig voru skoðaðar hugmyndir um að opna sambærilega deild í Síðuskóla á Akureyri en af því verður ekki að sinni.  Vonast er til að með þessum hætti verði hægt að mæta aukinni þörf fyrir leikskólapláss haustið 2017.