Ný rennibraut í sundlauginni í Varmahlíð opnuð

Ný rennibraut í sundlauginni í Varmahlíð opnaði í dag.  Formleg vígsla rennibrautarinnar fer fram mánudaginn 22. október kl. 16:30. Þar munu þau Sigfús I. Sigfússon, sveitarstjóri Sveitarfélagsins Skagafjarðar og Hrefna Jóhannesdóttir, oddviti Akrahrepps, klippa á borða og segja nokkur orð. Unnur María Gunnarsdóttir, nemandi við Varmahlíðarskóla, vígir brautina og fer fyrstu bununa. Kaffi, kókómjólk og kleinur í boði að vígslu lokinni.

Athugið að sundlaugin verður opin n.k. laugardag frá klukkan 10:00-15:00.

Vegna framkvæmda við sundlaugina á Sauðárkróki er fyrirhugað að lengja opnunartíma sundlaugarinnar í Varmahlíð fram að áramótum. Opnunartími verður nánar auglýstur síðar.