Ný heimasíða Þjóðlagahátíðar

Þjóðalagahátíðin á Siglufirði heitir í ár Afró-Sigló. Ný heimasíða fyrir hátíðina hefur verið gerð á slóðinni siglofestival.com. Hátíðin í ár verður dagana 5.-9. júlí. Ýmis námskeið verða í boði eins og afrískur dans og trommuleikur, prjónanámskeið, írsk þjóðlagatónlist á tinflautur og fleira. Þá verður Þjóðlagaakademían á sínum stað en þar verður námskeið um íslenska þjóðlagatónlist haldið á kirkjuloftinu í Siglufjarðarkirkju.

Tónleikadagskrá hefst á miðvikudeginum 5. júlí í Siglufjarðarkirkju en alls verða 19 tónleikaviðburðir. Aðrir tónleikastaðir verða Bátahús Síldarminjasafnsins, Rauðka og Þjóðlagasetrið. Allar upplýsingar um verð og dagskrá má finna á heimasíðu hátíðarinnar.

Þjóðlagahátíð á Siglufirði var fyrst haldin sumarið 2000 og listrænn stjórnandi hátíðarinnar frá upphafi hefur verið Gunnsteinn Ólafsson, tónlistarmaður.

Markmið hátíðarinnar:

  • að hvetja til varðveislu íslenskra þjóðlaga
  • að stuðla að nýsköpun íslenskrar tónlistar
  • að stefna saman listamönnum úr ólíkum áttum
  • að varpa ljósi á menningararf Íslendinga og annarra þjóða
  • að höfða til allrar fjölskyldunnar, barna, unglinga og fullorðinna
  • að virkja heimamenn til samvinnu við innlenda og erlenda listamenn
  • að halda nafni þjóðlagasafnarans sr. Bjarna Þorsteinssonar á lofti
  • að verða einn hornsteina í starfsemi þjóðlagaseturs á Siglufirði

  • Gönguleiðir
  • Myndbönd
  • Söfn
  • Útivist
  • Auglýsingar
  • Fréttir
  • Gisting
  • Myndir
  • Sauðárkrókur
  • Tenglar
  • Vefmyndavélar
  • Viðburðir