Niðurstöður íbúakosningar í Fjallabyggð

Niðurstöður íbúakosningar í Fjallabyggð 14. apríl 2018 liggja fyrir. Kosið var um hvort fræðslustefnu Fjallabyggðar sem samþykkt var í bæjarstjórn 18.05.2017 haldi gildi sínu. Kosningaþátttaka var aðeins 52,5% og þeir sem kusu gegn fræðslustefnunni voru 36,83% en jákvæðir voru 62,34%.

Spurt var: Vilt þú að stefnan haldi gildi sínu?

Valkostir:

Já, ég vil að fræðslustefnan sem var samþykkt í bæjarstjórn Fjallabyggðar 18.05.2017 haldi gildi sínu.

Nei, ég vil að fræðslustefnan sem var samþykkt í bæjarstjórn Fjallabyggðar 18.05.2017 verði felld úr gildi og fyrri fræðslustefna frá 17.03. 2009 taki gildi á ný.

Niðurstöður:

Já sögðu : 523, – 62,34%

Nei sögðu  309, – 36,83%

Auðir og ógildir seðlar voru 7  –   0,83%

Kosningarþátttaka var 52,5%