Neysluvatn í Ólafsfirði í lagi

Staðfest hefur verið að sýni sem Heilbrigðiseftirlit Norðurlands vestra tók af neysluvatni í Ólafsfirði, þann 1. nóvember síðastliðinn sé í lagi.  Sýni voru tekin annars vegar vatnstanki Brimnesdals og hins vegar Hornbrekku, voru fullnægjandi sbr. reglugerð um neysluvatn nr. 536/2001. Óverulegt frávik var í sýni sem tekið var úr neysluvatni Múlalindar. Það er því ljóst að þær endurbætur sem unnið hefur verið við á síðastliðnum vikum hafa skilað tilætluðum árangri og ekki er lengur þörf á að sjóða neysluvatnið.

Vinna stendur yfir við að koma fyrir útfjólublárri geislun á neysluvatnið, sem tryggir fullkomið öryggi og gæði.