Nemendur Grunnskóla Fjallabyggðar fá ritföng að gjöf

Grunnskóli Fjallabyggðar afhendir nemendum ritfangapakka að gjöf frá Fjallabyggð við skólabyrjun haustið 2017. Ætlast er til að nemendur í 1.-5. bekk geymi og noti umrædd ritföng í skólanum og til þess fá þau litla hvíta plastkörfu. Nemendum í 6.-10.bekk verður falið að halda utan um þessi ritföng sjálf. Glatist eða skemmist þessi ritföng þurfa foreldrar að útvega ný í staðinn. Ritfangapakkinn er svipaður milli árganga og felur í sér skriffæri, stíla- og reikningsbækur, skæri, teygjumöppu, tréliti, reglustikur o.þ.h. eftir þörfum hvers árgangs. Það sem ekki er í ritfangapakkanum þurfa foreldrar að útvega. Þetta kemur fram á heimasíðu Grunnskóla Fjallabyggðar.