Minni aðsókn var í Skíðasvæðið í Skarðsdal á Siglufirði í vetur. Færri opnunardagar voru í ár vegna veðurs, en alls komu um 7000 gestir á skíðasvæðið og voru 79 opnunardagar. Þetta er fækkun um 2800 gesti en í fyrra var opið í 100 daga. Aðsóknin var þó sú þriðja mesta á landinu samkvæmt upplýsingum frá rekstaraðila, en Bláfjöll og Hlíðarfjall eru vinsælust í ár.
Mikil aukning var af fjallaskíðafólki í Skarðsdal en um 500-700 slíkir gestir komu á svæðið og um 90% af þeim erlendir gestir.