Málverkasýningin KÓF – Innilokun á striga

Laugardaginn 16. maí kl. 14:00 opnar Ragnar Hólm málverkasýninguna KÓF í Deiglunni á Akureyri. Þar sýnir hann ný olíumálverk sem hafa orðið til á síðustu mánuðum og endurspegla undarlega tíma einangrunar og ótta. Sýningin er aðeins opin helgina 16.-17. maí frá kl. 14-17 báða daga.

Í kófinu ægir saman sterkum kenndum. Þar blandast saman innilokun og ótti, einangrun og ofstæki, ástúð og ofbeldi. Að vera lokaður frá umheiminum langtímum saman, aleinn eða með sínum nánustu. Sést þá úr hverju mannskepnan er gerð og hvað býr inn við beinið? Hversu varnarlaust getur mannkynið orðið? Málverkin eru þannig eins konar óreiðukennd tilraun um manninn.

Kristján Edelstein, Pálmi Gunnarsson og Phil Doyle leika djassaðan blús af fingrum fram við opnun.

Nánari upplýsingar veitir Ragnar Hólm í síma 867 1000.

Fyrri einkasýningar:

Kaktus, Akureyri: (soldið) Erlendis, október 2019
Mjólkurbúðin, Akureyri: Sumarljós, maí 2019
Deiglan, Akureyri: Hauströkkur, nóvember 2018
Deiglan, Akureyri: Birtuskil, nóvember 2017
Menningarhúsið Berg, Dalvík: Litbrigði landsins, ágúst 2016
Listhús Ófeigs, Reykjavík: Að norðan, apríl 2016
Deiglan, Akureyri: Upprisa, október 2015
Mjólkurbúðin, Akureyri: Vetur að vori, apríl 2015
Háskólinn á Akureyri: Sitt sýninst hverjum, nóvember 2014
Populus tremula, Akureyri: Loftið & landið, júní 2014
Populus tremula, Akureyri: Dagur með Drottni, nóvember 2013
Jónas Viðar Gallerí, Reykjavík: Afmælissýning 5/50/150, desember 2012
Populus tremula, Akureyri: Afmælissýning 5/50/150, nóvember 2012
Gallerí LAK, Akureyri: Afmælissýning 5/50/150, október 2012
Populus tremula, Akureyri: Birtan á fjöllunum, maí 2011
Populus tremula, Akureyri: Sérðu það sem ég sé, mars 2010

Mynd frá Ragnar Hólm.
Mynd og texti: Aðsend fréttatilkynning.