Gísli á Uppsölum sýnt í Bergi

Leikverkið um Gísla á Uppsölum hefur farið sigurför um landið enda er hér á ferð áhrifamikið verk um einstakan mann. Verkið verður nú sýnt í Menningarhúsi Bergi, miðvikudaginn 8. nóvember 2017.  Höfundar eru þeir Þröstur Leó Gunnarsson og Elfar Logi Hannesson, sá fyrrnefndi leikstýrir en hinn síðarnefndi er í hlutverki einbúans. Tónlist er eftir Svavar Knút.

Gísli á Uppsölum er einstakt leikverk um einstakan mann. Einn stærsti viðburður íslenskrar sjónvarpssögu er Stiklu þáttur Ómars Ragnarssonar um einbúann Gísla Oktavíus Gíslason. Enn er Gísli landanum kær og hugleikinn. Hér er á ferðinni áhrifamikil sýning sem hefur hrifið áhorfendur líkt og saga söguhetjunnar.