Gangbrautarljós uppsett við Árskóla á Sauðárkróki

Síðustu daga hefur verið unnið að uppsetningu gangbrautarljósa við Árskóla á Sauðárkróki. Gangandi vegfarendur ýta á hnapp til að virkja virkja rautt ljós á ökutæki og fá grænt merki til að komast yfir götuna.  Sérstakir skynjarar nema nærveru gangandi vegfarenda á leið yfir götu og er ljósatími stilltur eftir því hversu lengi viðkomandi er á leið yfir götuna. Markmið með uppsetningu ljósanna er að auka öryggi gangandi vegfaranda, ekki síst skólabarna á leið í og úr skóla.