Atvinna hjá Kjötafurðastöð KS

Kjötafurðastöð KS óskar eftir starfsmönnum fyrir komandi sláturtíð (sep-okt) í eftirfarnandi stöður.

  • Matráða – sjá um mötuneyti fyrir 150 manns. Um er að ræða 3 máltíðir á dag morgunkaffi, hádegismat og miðdegiskaffi.
  • Starfsmenn í rétt – viðkomandi þarf að hafa reynslu af tölvunotkun og kunna að umgangast sauðfé.
  • Úrbeinara – vant fólk í úrbeiningu.
  • Lyftaramenn – vana lyftaramenn.
  • Almennt starfsfólk – um er að ræða ýmis störf frá slátrun til pökkunar.

Áhugasamir eru vinsamlegast beðnir um að hafa samband tímanlega við Eddu í síma 455 4588, með emaili á edda.thordardottir@ks.is eða á skrifstofu Kjötafurðastöðvarinnar. Stefnt er á að ráðningum ljúki 10. ágú.  Hafa ber í huga að Kjötafurðastöðin er lokuð frá 16. júl. – 3. ágú., nk.

Byggingaframkvæmdir við Íþróttahús og Árskóla á Sauðárkróki í sumar

Frístundastjóri Skagafjarðar hefur kynnt áform um öryggisráðstafanir vegna starfsemi Sumar T.Í.M. í íþróttahúsinu á Sauðárkróki í sumar, og eru tilkomin vegna fyrirhugaðra byggingaframkvæmda við íþróttahús og Árskóla.

Fela þau m.a. í sér strangari reglur um aðkomu bíla að íþróttahúsinu á Sauðárkróki og að foreldrum verði kynntar þær reglur. Einnig að fundað verði með verktökum þannig að allir leggist á eitt um að tryggja öryggi barna í og við þessar byggingar í sumar.

Markaðsátak og lengri opnun á sundlauginni á Hofsósi

Frístundastjóri Skagafjarðar hefur kynnt bréf frá nokkrum gestum sundlaugarinnar á Hofsósi sem óska eftir að afgreiðslutími laugarinnar verði lengdur enn frekar en fjárhagáætlun gerir ráð fyrir.

Frístundastjóri Skagafjarðar hefur lagt til að sundlaugin verði opin í sumar, frá 1. maí – 31.ágúst,  alla daga frá klukkan 9 – 21 og látið reyna á að rýmri opnun.

Meiri markaðssetning og kynning á lauginni muni skila henni enn meiri tekjum sem réttlæti lengri afgreiðslutíma.  Félags-og tómstundanefnd Skagafjarðar hefur samþykkt tillöguna. Ákveðið hefur verið að fara yfir árangur þessa markaðsátaks og áhrif á fjárhagsáætlun að loknu sumri.

Skagafjörður leggur til 8 milljónir í uppbyggingu skíðasvæðis

Félags-og tómstundanefnd Skagafjarðar hefur samþykkt samning um rekstur skíðasvæðis í Tindastóli milli Sveitarfélagsins og skíðadeildar UMF. Tindastóls.

Þar skuldbindur sveitarfélagið sig til að greiða skíðadeild 8.000.000.- króna til uppbyggingar á skíðasvæðinu í ár, auk 2.000.000.-króna í rekstrarstyrk. Þá leggur sveitarfélagið til starfsmann í 8 mánuði á árinu og að greiða viðhald á troðara allt að 1,5 milljón króna. Skíðadeild  skuldbindur sig til að annast rekstur skíðasvæðisins til ársloka 2012.

 

Ljósmyndasamkeppnin Fugl fyrir milljón

LJÓSMYNDASAMKEPPNI:

Áhugasamir ljósmyndarar geta skráð sig til þátttöku í ljósmyndasamkeppni um bestu fuglamyndina tekna á Tröllaskaganum, Hrísey, Grímsey, Drangey eða Málmey á tímabilinu 14. maí til 31. ágúst, 2012. Auk ýmissa veglegra verðlauna, verður besta myndin verðlaunuð með 1.000.000 króna í reiðufé. Hægt er að skrá sig hjá Brimnes hóteli og Rauðku í Fjallabyggð (Senda má tölvupósta á hotel@brimnes.is og/eða raudka@raudka.is)

TILGANGUR:

Að kynna Tröllaskagann og nærliggjandi eyjar, Hrísey, Grímsey, Málmey og Drangey fyrir náttúruunnendum og stuðla að aukinni fuglaskoðun og fuglaljósmyndun á svæðinu.

 

SKILMÁLAR:

Ljósmynd af lifandi fugli, tekin annaðhvort á Tröllaskaganum, í Hrísey, Grímsey, Drangey eða Málmey á tímabilinu 14. maí 2012 til 31. ágúst 2012.

Sjá nánar á www.fuglfyrirmilljon.com

Tindastóll tapaði gegn Haukum

Það voru Haukar sem fengu öll þrjú stigin í dag í leik Hauka og Tindastóls í 1. deild karla í knattspyrnu.

Það var fyrirliðinn Hilmar Trausti Arnarsson kom Haukum yfir gegn Tindastóli með marki beint úr hornspyrnu á 38. mínútu.

Markvörður Tindastóls, Arnar Magnús Róbertsson, fékk að líta rauða spjaldið á 80. mínútu fyrir að sýna dómaranum Þorvaldi Árnasyni löngutöng. Tindastólsmenn voru búnir með skiptingarnar sínar og því fór útileikmaðurinn Fannar Örn Kolbeinsson í markið.

Haukar komust svo í 2:0 í uppbótartíma gegn Tindastóli. Hilmar Trausti kom með boltann inn í vítateig eftir hornspyrnu og gaf á Magnús Pál Gunnarsson sem skoraði framhjá útileikmanninum Fannari Erni Kolbeinssyni sem fór í mark Tindastóls síðustu mínútur leiksins vegna rauða spjaldsins sem Arnar Magnús fékk.

Tveggja marka sigur Hauka staðreynd en Stólarnir bitu heldur betur frá sér í leiknum og komu skemmtilega á óvart með spilamennsku sinni og það er ljóst að þeir eru mun sterkari en búsist var fyrir fram við. Haukarnir áttu í erfiðleikum með að brjóta niður varnarmúr Tindastóls en mark Hilmars Trausta beint úr hornspyrnu gaf þeim aukið sjálfstraust og var forystu Hauka aldrei ógnað.

Frétt frá Fótbolta.net. Sjá alla fréttina: http://fotbolti.net/fullStory.php?id=126188#ixzz1uftwTK7P

Samfélagsstyrkir Landsbankans 2012

Landsbankinn veitir 20 milljónum króna í samfélagsstyrki í ár – og verður þeim úthlutað í tvennu lagi. Samfélagsstyrkjunum er ætlað að styðja við verkefni á ýmsum sviðum, þar á meðal á sviði mannúðarmála, menningar og lista, menntunar, rannsókna og vísinda, forvarnar- og æskulýðsstarf og sértækrar útgáfustarfsemi.

Sérstök dómnefnd skipuð þremur fagaðilum og tveimur sérfræðingum bankans fer yfir umsóknirnar og er umsóknarferlið gagnsætt og faglegt. Umsóknarfrestur í fyrri úthlutun er 4. júní en í seinni úthlutun 12. október.

Á hvoru úthlutunartímabili verða veittir eftirtaldir styrkir:

  • 5 styrkir að upphæð 1.000.000 kr. hver.
  • 5 styrkir að upphæð 500.000 kr. hver
  • 10 styrkir að upphæð 250.000 kr. hver.

Verkefni sem koma einkum til greina eru:

  • starf mannúðarsamtaka og líknarfélaga
  • menning og listir
  • menntamál, rannsóknir og vísindi
  • forvarnar- og æskulýðsstarf
  • sértæk útgáfuverkefni

Verkefni sem alla jafna ekki koma til greina eru:

  • nýsköpunar- og sprotaverkefni – sérstakir nýsköpunarstyrkir veittir
  • umhverfismál – sérstakir umhverfisstyrkir veittir
  • afreksmenn í íþróttum – sérstakir afreksstyrkir veittir
  • starfsemi íþróttafélaga
  • almenn bókaútgáfa, gerð almenns námsefnis og útgáfa geisladiska
  • utanlandsferðir listamanna og listhópa

Tindastóll sendir iðkendur í úrvalsbúðir KKÍ

Að venju sendir körfuknattleiksdeild Tindastóls stóran hóp iðkenda í Úrvalsbúðir KKÍ sem haldnar eru tvær helgar á hverju sumri. Eru búðir þessar undanfari yngri landsliðanna og fyrsta stigið í afreksstigi KKÍ.

Alltaf eru þrír árgangar kallaðir til leiks á hverju ári og að þessu sinni eru það iðkendur sem fæddir eru 1999, 2000 og 2001. Æfingarnar verða á höfuðborgasvæðinu 2. – 3. júní og 25. og 26. ágúst.

Þjálfara félagsliða innan KKÍ velja iðkendur í þessar búðir og hér fyrir neðan má sjá listann sem Tindastóll sendir inn þetta sumarið. Valið er ávallt erfitt fyrir þjálfarana því margir eru til kallaðir. Þessar tilnefningar geta tekið breytingum á milli ára og þó einhver sé valinn í ár, er ekki þar með sagt að hann eigi víst sæti á næsta ári.

  • Haraldur Viðar Bjarkason 1999
  • Örvar Pálmi Örvarsson 1999
  • Halldór Broddi Þorsteinsson 1999
  • Jón Grétar Guðmundsson 1999
  • Haukur Sindri Karlsson 1999
  • Dagmar Björg Rúnarsdóttir 1999
  • Hafdís Lind Sigurjónsdóttir 1999
  • Bjarkey Birta Gissurardóttir 1999
  • Andri Snær Ásmundsson 2000
  • Hlynur Örn Þrastarson 2000
  • Gunnar Valur Jónsson 2000
  • Hera Sigrún Ásbjarnardóttir 2000
  • Alexandra Ósk Guðjónsdóttir 2000
  • Áróra Árnadóttir 2000
  • Berglind Ósk Skaptadóttir 2000
  • Sigrún Þóra Karlsdóttir 2000
  • Telma Ösp Einarsdóttir 2000
  • Haukur Steinn Ragnarsson 2001
  • Víkingur Ævar Vignisson 2001
  • Skírnir Már Skaftason 2001
  • Ragnar Ágústsson 2001
  • Anna Sóley Jónsdóttir 2001

Tindastóll auglýsir eftir fólki í öryggisgæslu

Þar sem Tindastóll eru komnir upp í 1.deild, þá þarf félagið að undirgangast leyfiskerfi KSÍ. Eitt af því er að hafa öryggisverði á heimaleikjum félagsins. Hlutverkið er að fylgja dómurum til og frá búningsklefa og passa að áhorfendur fari ekki yfir öryggislínu á vellinum.

Áhugasamir hafi samband við Stefán Arnar í síma 660-4685 eða Skúla Vilhjálm í síma 8645305

Fyrsti heimaleikur Tindastóls er 19.maí gegn Víkingi Ólafsvík.

Vorferð hjá sunddeild Tindastóls

Vorferð hjá sunddeild Tindastóls  f/sundiðkendur og fjölskyldur. Dagsferð og stefan er tekin á Varmahlíð.

Þetta er fimmtudagurinn 17.maí sem er frídagur hjá flestum en ef að foreldri er að vinna þá væri hægt að taka að sér börn og sameina í bíla og hafa skemmtilegan dag.

Lagt af stað frá Sauðárkrókssundlaug kl. 9:30

 Dagskrá :

  • Skemmtileg sundæfing  og frjálstími í sundlaug Varmahlíð hjá Ingunni Kristjánsd sundþjálfara kl. 10 reikna með sirka 1 ½ tíma í laug. Foreldrar geta slappað af í heitapottinum og margt fl. (fullorðna fólkið borgi sjálft ofan í og krakkarnir noti þjónustukortið.)
  •  Grillað verður girnilegar lambasneiðar, pylsur  og meðlæti að hætti stjórnar uppá tjaldsvæðinu í boði sunddeildar.
  • Farið verður í  leiki milli foreldra og krakkana og fl..skemmtilegt grín og glens.

Skráning er hafin í s: 8561812, er á facebook Thorgerdur Eva Thorhallsd hægt að senda mér línu eða á netfang skog3ar@visir.is , og síðasti skráningardagur 14.maí.

Ársfundur Byggðastofnunar verður haldinn á Sauðárkróki í júní

Ársfundur Byggðastofnunar verður haldinn á Sauðárkróki í  júní n.k. Á fundinum verður í annað sinn veitt viðurkenning Byggðastofnunar undir heitinu „Landstólpinn. Samfélagsviðurkenning Byggðastofnunar“.

Jón Jónsson þjóðfræðingur á Kirkjubóli á Ströndum og menningarfulltrúi Vestfjarða hlaut Landstólpann árið 2011. Dómnefnd taldi hann með störfum sínum undanfarin ár hafa vakið athygli á heimabyggð sinni á Ströndum á jákvæðan hátt, m.a. í fjölmiðlum, á vefnum og á málþingum og að hann hafi verið frumkvöðull í uppbyggingu ferðaþjónustu og fræðastarfs á svæðinu.

Viðurkenningin skal veitt einhverjum þeim sem hefur vakið jákvæða athygli á landsbyggðinni með verkefni, starfsemi, umfjöllun á opinberum vettvangi eða með öðru móti. Viðkomandi gæti bæði hafa vakið athygli á byggðamálum, landsbyggðinni í heild, eða einhverju tilteknu byggðarlagi og þannig aukið veg viðkomandi samfélags. Um getur verið að ræða einstakling, fyrirtæki, stofnun eða sveitarfélag.

Diddú og Egill syngja í Skagafirði

Arion banki býður á tónleika með Diddú og Agli Ólafssyni í Menningarhúsinu Miðgarði þriðjudaginn 15. maí og hefjast tónleikarnir kl. 20. Undirleik annast Jónas Þórir. Það eina sem þarf að gera til að fá miða er að mæta í útibú Arion banka í Skagafirði eða hafa samband við þjónusturáðgjafa Arion banka. Í boði eru tveir miðar á mann.

Hafnarvörður óskast á Skagaströnd

SKAGASTRANDARHÖFN

AUGLÝSIR STARF HAFNARVARÐAR LAUST TIL UMSÓKNAR

 

Starfssvið:

Vigtun og skráning í aflaskráningarkerfi Fiskistofu, gerð reikninga fyrir höfnina, almenn hafnarvarsla, viðhaldsvinna, og tilfallandi störf.

 

Hæfniskröfur:

Almenn tölvukunnátta, skipstjórnarréttindi æskileg, löggilding sem vigtunarmaður er kostur.

Laun samkvæmt kjarasamningi Sambands íslenskra sveitarfélaga og Kjalar.

Umsóknareyðublöð liggja frammi á skrifstofu Sveitarfélagsins Skagastrandar og hægt að sækja þau á vef sveitarfélagsins www.skagastrond.is

Umsóknarfrestur er til og með 21. maí 2012.

Nánari upplýsingar veitir:
Magnús B. Jónsson
Sími: 455 2700.
Netfang: magnus@skagastrond.is

Flugvirkjanám á Akureyri

Flugsafn Íslands, Akureyrarflugvelli og Tækniskólinn, skóli atvinnulífsins/Flugskóli Íslands Reykjavík, undirrituðu í dag samstarfssamning um víðtækt samstarf í menntun flugvirkja á Íslandi. Samningurinn er jafnframt gerður í samstarfi við Lufthansa Resource Technical Training og með góðum stuðningi íslenskra flugrekenda og hagsmunaaðila í flugrekstri. Til þessa hefur flugvirkjanám ekki verið í boði á Íslandi, en s.l. haust hófst kennsla í flugvirkjun í Tækniskólanum/Flugskóla Íslands.

Flugsafn Íslands hyggst efla aðgengi og auka vitund um Flugsafnið með því að taka þátt í menntasamstarfi og gera safnið að lifandi vettvangi fyrir leikna og lærða og verða áfram mikilvægur þáttur í flugsögu Íslands á lifandi hátt. Safnið mun leggja til safnmuni er tengjast vélbúnaði flugvéla til menntunar verðandi flugvirkjum, en safnið er gríðarlega vel búið flugvélum og flugvélahlutum sem henta til verklegrar kennslu. Þá mun safnið hlutast til um viðunandi aðstöðu til bók- og verknáms á Akureyrarflugvelli fyrir þá þætti námsins sem fram fara á Akureyri.

Tækniskólinn/Flugskóli Íslands er leiðandi í starfþjálfun og –menntun einstaklinga á sviði flugmála, sem og annarra greina. Samstarfssamingurinn er liður í að efla tengingu skólans við atvinnulífið og hagsmunaaðila sem tengjast námsgreinum sem í boði eru í skólanum. Tækniskólinn er einkarekinn skóli og er rekstrarfélagið í eigu aðila atvinnulífsins, Landssambands íslenskra útvegsmanna, Samtaka iðnaðarins, Samorku, Samtaka íslenskra kaupskipaútgerða og Iðnaðarmannafélagsins í Reykjavík, segir í frétt frá Atvinnuþróunarfélagi Eyjafjarðar.

Tindastóll í beinni útsendingu á laugardaginn

KSÍ og SportTV  hafa komist að samkomulagi um að sýnt verði frá leikjum 1. deildar karla í sumar á SportTV á vefsvæðinu  http://www.sporttv.is/.   Sýndur verður a.m.k. einn leikur í hverri umferð og einnig er stefnt að því að teknar verði saman markasyrpur í hverri umferð sem einnig verða sýndar á SportTV. Fyrsti leikurinn verður leikur Tindastóls og Hauka, en Stólarnir sækja Haukana heim.

Þetta er frábær viðbót við umfjöllun um íslenska knattspyrnu en 1. deild karla hefst nú á laugardaginn með sex leikjum en hér má sjá hvaða leikir verða sýndir í fyrstu umferðunum

  • lau. 12. maí. 14:00 Haukar – Tindastóll
  • lau. 19. maí. 14:00 Víkingur R. – ÍR
  • fös. 25. maí. 20:00 Þróttur R. – Leiknir R.
  • lau. 02. jún. 16:00 Fjölnir – KA
  • lau. 09. jún. 14:00 Haukar – Leiknir R.
  • lau. 16. jun. 14.00 Þróttur R. – BÍ/Bolungarvík
  • fim. 21. jun. 20.00 KA – Þór

GSS tók þátt í Atvinnulífssýningunni

GSS tók þátt í Atvinnulífssýningunni í Skagafirði nú í upphafi Sæluviku. Fjölmargir komu við og fræddust um störf klúbbins og margir sóttust eftir kynningu eða gengu til liðs við klúbbinn.

Gestum sýningarinnar var boðið að taka þátt í getraun, hversu mörg tí voru í blómavasa í bás klúbbsins. Um 500 manns tóku þátt í getrauninni en enginn giskaði á rétta tölu, sem var 1080. Sú sem næst komst var Elísabet Pálmadóttir og skeikaði 18 tíum á hennar giski. Fær hún í verðlaun golfkennslu. Aðrir sem voru nálægt og hljóta golfvörur í vinning voru Eymundur Ás, Helga Dóra Lúðvíksdóttir og Hafsteinn A. Hallgrímsson. Fá þau golfvörur í verðlaun frá GSS og verður haft samband við vinningshafa.

Hiti í mönnum vegna Ársreikninga Skagafjarðar árið 2011

Kristján Jónasson löggiltur endurskoðandi hjá KPMG fór yfir og kynnti ársreikning Sveitarfélagsins Skagafjarðar á sérstökum fundi, sem haldinn  var þann 26. apríl s.l., með sveitarstjórn.
Til máls tók Sigurjón Þórðarson sem lagði fram svohljóðandi bókun:
Niðurstaða reikninga sýna að áætlangerð meirihluta Vg og Framsóknarflokks hefur því miður brugðist en niðurstaðan er talsvert lakari en fjárhagsáætlanir gerðu ráð fyrir. Það sem af er þessu ári hefur verðbólgan verið vaxandi og þar af leiðandi hækkað verðbóta og vaxtakostnað sveitarfélagsins eins og sjá má í rekstraryfirliti . Reikningarnir bera það með sér að það eina rétta í stöðunni sé staldra við og endurmeta núverandi rekstraráætlanir en forsendur þeirra eru augljóslega brostnar. Það er í raun galið að ætla að fara í stórframkvæmdir fyrr en að jafnvægi hefur náðst í rekstrinum en óbreytt stefna kemur sveitarfélaginu í mikla skuldakreppu.
Næst tók til máls Jón Magnússon og óskar bókað:
Ársreikningur Sveitarfélagsins Skagafjarðar sýnir glöggt að varnarorð Sjálfstæðismanna allt frá upphafi yfirstandandi kjörtímabils hafa átt við rök að styðjast. Rekstrarniðurstaðan árið 2011 er ein sú dapurlegasta sem fram hefur komið um árabil. Meirihluta Framsóknarmanna og VG hefur algerlega mistekist að ná tökum á rekstri sveitarfélagsins. Íbúar Skagafjarðar munu þurfa að greiða fyrir óráðsíu þessa meirihluta á komandi árum með skertri þjónustu og vaxandi skuldum. Fyrirætlanir um aðhald í rekstri eru aðeins orðin tóm og heldur léttvæg í þurra sjóði sveitarfélagsins. Sjálfstæðismenn lýsa enn á ný miklum efasemdum um getu núverandi meirihluta til að ná tökum á rekstri Sveitarfélagsins Skagafjarðar.

Vinnumálastofnun styður Skagafjörð um 5 sumarstörf

Vinnumálastofnun hefur tilkynnt að Sveitarfélagið Skagafjörður hafi fengið úthlutað stuðningi fyrir 5 störfum í sumar, til að styðja við sumarráðningar námsmanna og atvinnuleitenda sem er sami fjöldi og árið 2011.  Sveitarfélagið Skagafjörður sótti um 20 störf.

Byggðarráð Skagafjarðar hefur lýst vonbrigðum með niðurstöðuna þar sem Skagafjörður nýtur ekki þeirrar fjölgunar frá fyrra ári, sem auglýst var af hálfu Vinnumálastofnunar.

Drangey réð ekki við KF

Knattspyrnufélag Fjallabyggðar og Drangey frá Skagafirði léku í Bikarkeppni KSÍ í Boganum á Akureyri í dag. KF vann stórsigur á Drangey, og urðu lokatölur 5-1.

KF komst í 5-0 en Drangey náði að minnka muninn í 5-1. Arnór Hallsson skoraði tvö fyrstu mörkin fyrir KF, Sigurjón Sigurðsson skoraði það þriðja, og Sigurbjörn Hafþórsson skoraði svo tvö síðustu mörkin fyrir KF.  Mark Drangeyjar gerði Hilmar Kárason.

Ferðamönnum fjölgaði um 20,4% á fyrsta ársþriðjungi

Um 37 þúsund erlendir ferðamenn fóru frá landinu um Leifsstöð í nýliðnum aprílmánuði eða um fimm þúsund fleiri
en í apríl 2011.

Aukningin 16,5% milli ára
Ferðamenn nú í apríl voru 16,5% fleiri en í apríl í fyrra en á því ellefu ára tímabili sem Ferðamálastofa hefur talið ferðamenn í Leifsstöð hefur aukningin verið að jafnaði 8,2% milli ára í mánuðinum, eins og sjá má í töflunni hér til hliðar.

81% ferðamanna af tíu þjóðernum
Af einstaka þjóðernum voru flestir ferðamenn í apríl frá Bretlandi eða 22,4% af heildarfjölda. Næstfjölmennastir voru Bandaríkjamenn, 11,8% og Norðmenn, 10,3%. Síðan komu Danir (7,6%), Svíar (7,0%), Þjóðverjar (6,8%), Frakkar (5,9%), Kanadamenn (3,4%), Hollendingar (3,1%) og Finnar (2,9%). Samtals voru þessar tíu þjóðir 81,2% af heildarfjölda ferðamanna í apríl.

Norður-Ameríkubúar og Bretar báru uppi fjölgun í apríl
Ef litið er til einstakra markaðssvæða má sjá verulega fjölgun Norður-Ameríkubúa og Breta frá því í apríl í fyrra. Þannig fjölgaði Norður-Ameríkubúum um 33,7% og Bretum um 25,5%. Norðurlandabúum fjölgaði nokkuð eða um 10,4% og sama má segja um Breta sem fjölgaði um 7,1%. Ferðamönnum frá löndum sem flokkuð eru undir annað fjölgaði um 13,8% milli ára.

Ferðamönnum hefur fjölgað um 20,4% frá áramótum
Frá áramótum hafa 125.333 erlendir ferðamenn farið frá landinu sem er 20,4% aukning frá árinu áður. Tæplega helmingsaukning (45,9%) hefur verið í brottförum Breta, ríflega fjórðungsaukning (27,7%) í brottförum N-Ameríkana og um fimmtungsaukning (21,8%) frá löndum sem flokkast undir ,,Annað”. Brottförum Norðurlandabúa hefur fjölgað um 8,0% en fjöldi Mið- og S-Evrópubúa hefur hins vegar staðið í stað.

Utanferðir Íslendinga
Svipaður fjöldi Íslendinga fór utan í nýliðnum apríl og í fyrra eða um 29 þúsund. Frá áramótum hafa 100 þúsund Íslendingar farið utan, sex þúsund fleiri en árið 2012. Aukningin nemur 6,4% milli ára.
Talningar Ferðamálastofu ná yfir allar brottfarir frá landinu um Leifsstöð.

Lausar stöður hjá Húnaþingi vestra í sumar

Flokkstjóri í Vinnuskóla
Í starfinu felst skipulagning og stýring á vinnuhópum unglinga á aldrinum 13 til 16 ára við ýmis garðyrkjustörf o.fl. einnig leiðsögn, hópefli og hvatning til góðra verka. Hæfniskröfur: Æskilegur aldur 20 ár eða eldri, menntun og reynsla í störfum tengdum ungu fólki.
Mikilvægt er að umsækjendur séu stundvísir, samviskusamir og góðar fyrirmyndir unglingana. Hafi góða þjónustulund og hæfni í mannlegum samskiptum.

Almenn verkamannastörf í Áhaldahúsi:
Meðal starfa eru  ýmis viðhaldsverkefni á vegum sveitarfélagsins, s.s veitur og fl. Reynsla og hæfniskröfur: Umsækjendur skulu vera fæddir 1994 eða fyrr og nauðsynlegt er að þeir hafi bílpróf og dráttarvélapróf, reynsla af sambærilegu starfi er kostur, Samviskusemi og stundvísi.

Vegna þessara starfa skal skila inn Skriflegri umsókn til skrifstofu Húnaþings vestra fyrir 9. maí næstkomandi. Í umsókninni þarf að koma fram; Almennar upplýsingar, menntun, fyrri störf og annað sem umsækjandi telur viðeigandi. Frekari upplýsingar og upplýsingar um launakjör eru veittar á skrifstofu Húnaþings vestra í síma 455-2400

Styrkir til rannsókna á sviði ferðamála

Rannsóknamiðstöð ferðamála (RMF) er starfrækt af Háskóla Íslands, Háskólanum á Akureyri, Háskólanum að Hólum, Samtökum ferðaþjónustunnar og Ferðamálastofu. RMF auglýsir eftir umsóknum um styrki til rannsókna á sviði ferðamála, en styrkjunum er fyrst og fremst ætlað að standa undir launakostnaði. Styrkirnir verða veittir kennurum eða starfsfólki þeirra skóla sem standa að RMF og geta numið allt að 5 milljónum króna á ári í allt að þrjú ár.
Umsókn með stuttri lýsingu á rannsóknaverkefninu (3-5 bls. 1.500 orð að hámarki) skal m.a. taka á eftirfarandi atriðum:

  •  Stutt lýsing á aðalatriðum rannsóknaverkefnisins (útdráttur með titli).
  •  Hvernig tengist rannsóknarverkefnið einu, eða fleirum, af þremur áherslusviðum RMF, svonefndum rannsóknaáætlunum, en um þau má lesa á heimasíðu RMF (www.rmf.is) undir: Rannsóknir.
  •  Hvernig tengist rannsóknarverkefnið forgangsröðun verkefna RMF og niðurstöðu stefnumótunarvinnu um rannsóknir í ferðamálum sem mótuð var á hótel Reykjavík Natura dagana 10.-11. febrúar 2012, en um stefnuna er nánar fjallað á heimasíðu RMF (www.rmf.is) undir: Stefnumótun.
  •  Hvert er hagnýtt gildi rannsóknarverkefnisins og hvernig mun það nýtast ferðaþjónustunni, fræðasamfélaginu, stjórnvöldum eða öðrum hagsmunaaðilum?
  •  Er um að ræða beint samstarf við aðila í ferðaþjónustu eða aðra hagsmunaaðila? Hverja þá?
  •  Upplýsingar um aðra fjármögnun rannsóknaverkefnisins.
  •  Ef rannsóknaverkefnið felur í sér þátttöku framhaldsnema (meistara- eða doktorsnema) skal gera grein fyrir hlutverki þeirra í verkefninu og hag þeirra af því.
  •  Tímaáætlun (GANT rit) með skilgreindum áföngum.
  •  Kostnaðaráætlun.

Rannsóknaverkefnið skal hefjast eigi síðar en haustið 2012 og ljúka eigi síðar en í lok árs 2014 og skila skal skýrslu eftir hvern áfanga. Þar sem við á verður ákvörðun um framhald styrks tekin árlega á grundvelli framvindu. Styrkurinn verður greiddur við hver skil áfangaskýrslu og í lok verkefnis.
Skilafrestur er til 15. maí 2012 og umsóknum skal skila rafrænt til forstöðumanns RMF; Edward H. Huijbens (edward@unak.is). Stjórn RMF mun taka ákvörðun um hvaða verkefni verða styrkt fyrir 15. júní. Öllum umsóknum verður svarað. Stjórnin áskilur sér rétt til að hafna öllum umsóknum.

6400 gistinætur á Norðurlandi í mars

Samkvæmt frétt frá Hagstofu Íslands voru gistinætur á hótelum í mars 134.000 samanborið við 97.300 í mars 2011. Gistinætur erlendra gesta voru um 77% af heildarfjölda gistinátta í mars en gistinóttum þeirra fjölgaði um 45% samanborið við mars 2011. Á sama tíma fjölgaði gistinóttum Íslendinga um ríflega 17%. Athygli er vakin á að hér er aðeins átt við gistinætur á hótelum sem opin eru allt árið en til þess flokks gistististaða teljast hvorki gistiheimili né hótel sem eingöngu eru opin yfir sumartímann.

Gistinóttum á hótelum fjölgaði í öllum landshlutum, á höfuðborgarsvæðinu voru ríflega 104.300 gistinætur í mars sem er fjölgun um tæp 40% frá fyrra ári. Gistinætur á Suðurlandi voru 13.100 og fjölgaði um 42%. Á Norðurlandi voru tæplega 6.400 gistinætur á hótelum í mars sem er um 25% aukning samanborið við mars 2011. Gistinætur á Suðurnesjum voru um 5.100 sem jafngildir ríflega 15% aukningu frá fyrra ári. Á samanlögðu svæði Vesturlands og Vestfjarða voru gistinætur á hótelum 3.100 í mars og fjölgaði um 61%. Á Austurlandi fjölgaði gistinóttum um 5%, voru 2.050 samanborið við 1.950 í mars 2011.

Á fyrsta ársfjórðungi ársins 2012 fjölgaði gistinóttum um tæp 34%. Gistinætur á hótelum í janúar, febrúar og mars samanlögðum voru 309.300 en voru 230.800 fyrir sama tímabil árið 2011. Gistinóttum erlendra gesta hefur fjölgað um 39% samanborið við fyrsta ársfjórðung árið 2011 á meðan gistinóttum Íslendinga hefur fjölgað um 18%.

Frjálsíþróttaskóli UMFÍ á Sauðárkróki 11 til 15 júní 2012

Skráning hafin í Frjálsíþróttaskólann sem haldinn verður á Sauðárkróki 11-15. júní.
Frjálsíþróttaskóli UMFÍ verður starfræktur í fimmta sinn í sumar og verður skólinn á fimm stöðum víðs vegar um landið. Námskeiðin verða á Laugum í Reykjadal, Egilsstöðum, Sauðárkróki, Borgarnesi og á Selfossi.

Frjálsíþróttaskólinn er ætlaður ungmennum á aldrinum 11 – 18 ára. Ungmennin koma saman á hádegi á mánudegi en skólanum lýkur á hádegi á föstudegi í sömu viku. Aðaláhersla er lögð á kennslu í frjálsum íþróttum.

Auk frjálsra íþrótta er farið í sund, leiki, óvissuferðir og haldnar kvöldvökur. Ungmennin borga þáttökugjald en innifalið í því er kennsla, fæði og gisting.

Allar nánari upplýsingar og skráning fer fram á heimasíðu skólans /umfi09/veftre/verkefni/ithrottir/frjalsithrottaskoli/frjalsithrottaskoli_umfi_2012/

Opið hestaíþróttamót á Sauðárkróki

Opið hestaíþróttamót (UMSS) verður haldið á Sauðárkróki 5.-6. maí. Keppt verður í hefðbundnum hesta íþróttagreinum ásamt létt tölt T7 (hægt, snúa við, svo frjáls ferð) og létt fjórgang V5 (beðið um frjáls ferð á tölti, hitt er eins) ef næg þátttaka næst (sbr. FIPO – www.feif.org og http://lhhestar.is/is/page/fipo-leidari-2007-islenska).

      Fjórgangur V1, tölt T1 og T2 og fimmgangur F1- fullorðnir – einn inná í einu.
      Fjórgangur V2,  tölt T3, fimmgangur F2 – yngra flokkar – 2-3 inná í einu.

 

Næstu mót eru:

OPIÐ Forkeppnismót – sunnudagur 3. júní – bara forkeppni
Greinar:
1.       5 gangur (F1)
2.       Tölt (T1)
3.       gæðingaskeið
4.       skeiðkappreiðar, 150m. og 250m.
5.       100 m skeið

OPIÐ Kvöldmót – föstudagur 8. júní – bara forkeppni
Greinar:
1.       4 gangur (V1)
2.       Slakataumatölt (T2)
3.       skeiðkappreiðar 150m. og 250m.
4.       100 m skeið

Mótin eru öll (3) viðurkennt sem punktamót fyrir Íslandsmót og T1 á LM.

Bæjar- og menningarvefur