Fjallaskíðamót í Fjallabyggð

Fjallaskíðamótið Super Tröll Ski Race fer fram á morgun í Fjallabyggð og byrjar kl. 12:00. Mótið hefst í Skútudalnum við Siglufjörð og er gengið þar upp og bakvið Hólshyrnu, fram hjá Hólskarði og eftir Blekkilsbrúum, norður Blekkil, yfir Selskál og uppá suður Súlubrúnir, síðan fram Súlufjall og niður Súlubrekku að Grashólaböllum á T-lyftusvæði og endar við Skíðaskálan á svæðinu sem allir tala um. Nánari upplýsingar má finna á skarðsdalur.is.