Fjallabyggð greiðir ekki löggæslukostnað vegna Síldarævintýris

Atvinnu- og nýsköpunarráðuneyti hefur úrskurðað í máli Fjallabyggðar og Lögreglunnar á Norðurlandi eystra vegna ágreinings um greiðslu á löggæslukostnaði að upphæð 180.000 vegna bæjarhátíðarinnar “Síldarævintýri á Siglufirði”. Lögreglustjórinni á Norðurlandi eystra hafði sent Fjallabyggð reikning vegna löggæslu fyrir hátíðina.
Í úrskurði atvinnu- og nýsköpunarráðuneytisins er löggæslukostnaður felldur niður vegna skorts á skýrri lagaheimild til innheimtu löggæslukostnaðar. Fjallabyggð þarf því ekki að greiða áðurnefnda upphæð.