Druslugangan á Akureyri í dag

Druslugangan á Akureyri hefst við bílastæðið við Myndlistarskólann klukkan 14:00 í dag, laugardaginn 29. júlí, fer þaðan niður Listagilið, göngugötuna og endar á Ráðhústorgi þar sem ræður og tónlist taka við.  Druslugangan er samstöðuganga með þolendum kynferðislegs ofbeldis og hefur hún stækkað ört með hverju árinu síðan hún var fyrst haldin árið 2011.

Megin markmið göngunnar er að losa þolendur undan skömminni sem kynferðislegt ofbeldi skilur eftir sig og skila henni þangað sem hún á heima, hjá gerendum.
Við berjumst gegn orðræðu sem gefur til kynna að kynferðislegt ofbeldi geti verið þolendum að kenna. Sú er aldrei raunin!

Í ár verður áherslan lögð á baráttu gegn stafrænu kynferðisofbeldi, við krefjumst þess að dómstólar og samfélagið taki afstöðu og líti á stafrænt kynferðisofbeldi með sama hætti og önnur ofbeldisbrot!

Við hvetjum alla til að sýna samstöðu, taka afstöðu, skila skömminni og ganga druslugönguna með okkur.

Varningur verður seldur frá kl. 13:00-13:55 áður en ganga hefst.
– Derhúfur 3.000 kr.
– Lang- og stuttermabolir 3.000 kr
– Ein exclusive hettupeysa eftir 5.000 kr.