Category Archives: Norðurland

Hannes forsetaframbjóðandi á ferð um Norðurlandið

Hannes Bjarnason forsetaframbjóðandi verður á ferð um landið næstu vikurnar og verður á Sauðárkróki laugardaginn 28. apríl.  Einnig verður hann aftur á Króknum 9. júní, og á Hofsósi og Varmahlíð.

Sjá nánar á www.jaforseti.is

Aðrir viðkomustaðir á Norðurlandi og Norðurlandi eystra:

  • Sauðárkrókur Lau 28.apr 10-17 Atvinnulífssýning
  • Víðihlíð Lau 26.maí 16.00
  • Hrútafjörður Lau 26.maí 20.30
  • Hvammstangi Sun 27.maí 12.00 Hlaðan Kaffihús
  • Blönduós Sun 27.maí 17.00 Eyvindarstofa
  • Húnaver Mán 28.maí 20.30 Húnaver
  • Skagaströnd Mið 30.maí 12.00 Listasmiðjan
  • Siglufjörður Mið 30.maí 19.00 Hannes BOY
  • Ólafsfjörður Fim 31.maí 12.00 Hótel Brimnes
  • Dalvík Fim 31.maí 17.00
  • Þelamörk Fim 31.maí 20.30
  • Akureyri Lau 02.jún 18.00
  • Eyjafjörður Lau 02.jún 20.30 Freyvangur
  • Grenivík Sun 03.jún 12.00 Gamla skólahúsinu
  • Stórutjarnir Sun 03.jún 17.00
  • Laugar Sun 03.jún 20.30 Breiðamýri
  • Mývatnssveit Mán 04.jún 12.00 Hótel Reynihlíð
  • Húsavík Mán 04.jún 18.00 Verkalýðsfélagið Framsýn
  • Kópasker Þri 05.jún 12.00
  • Raufarhöfn Þri 05.jún 17.00 Hótel Norðurljós
  • Þórshöfn Þri 05.jún 20.30 Félagsheimilið
  • Bakkafjörður Mið 06.jún 12.00 Barnaskólinn
  • Grímsey Fös 08.jún 13.00 Veitingahúsið Krían
  • Hrísey Fös 08.jún 21.00 Veitingahúsið Brekka
  • Hofsós Lau 09.jún 12.00 Veitingarstofan Sólvík
  • Sauðárkrókur Lau 09.jún 16.00
  • Varmahlíð Lau 09.jún 20.00 Efri hæð Miðgarði

Tónleikar í Blönduóskirkju og Hvammstangakirkju

Sunnudaginn 22. apríl verða haldnir tónleikar í Blönduóskirkju kl. 15:00 og Hvammstangakirkju kl. 20:30. Söngfólk úr kórum í Austur- og Vestur-Húnavatnssýslum halda tónleika í Blönduós- og Hvammstangakirkju.

Á efnisskránni er messa Franz Sehuberts í 9 liðum, auk tónlistar útsettri af Gunnari Gunnarssyni.

Stjórnendur kóranna eru Sólveig Sigríður Einarsdóttir, Pálína Fanney Skúladóttir og Sigrún Grímsdóttir.

Kynnir og flytjandi talaðs máls verður sr. Sveinbjörn Einarsson.

Aðgangseyrir kr. 2.000.-Ekki tekið við greiðslukortum.

Menningarráð Norðurlands vestra styrkir tónleikana.

Dreifinám á Hvammstanga

Unglingar á Hvammstanga sjá nú fram á að geta búið lengur heima hjá foreldrum sínum. Unnið er að því að opna framhaldsskóladeild í þorpinu þar sem kennt yrði í gegnum fjarfundarbúnað frá Fjölbrautarskóla Norðurlands vestra á Sauðárkróki.

Til þessa hafa unglingar á svæðinu ekki átt annan kost en að flytja að heiman 16 ára hyggi þau á framhaldsskólanám. Margir fara til Sauðárkróks, aðrir til Akureyrar og enn aðrir suður, oft eftir því hvar fólk á ættmenni til að búa hjá. Nú vonast íbúar á Hvammstanga og í sveitunum í kring, til þess að geta haldið lengur í unglingana sína því unnið er að því að setja upp svokallað dreifnám á Hvammstanga

„Útgangspunkturinn á dreifnáminu er að auka möguleika til menntunar í heimabyggð,“ segir Eydís Aðalbjörnsdóttir, fræðslu- og félagsmálastjóri í Húnaþingi vestra. „Það var strax árið 2004 sem sveitarfélagið tók frumkvæði að því að opna fjarnámsstofu hér og núna eru tekin um 100 próf í fjarnámi bæði á framhalds- og háskólastigi þannig að næsta skref var eiginlega að opna framhaldsskóladeild.“

Kennt yrði í gegnum fjarfundarbúnað í félagsheimilinu á Hvammstanga. Af þessu verður þó ekki nema þátttakan verði næg. Unglingar á staðnum hafa fengið að taka þátt í undirbúningsvinnunni og eru flest jákvæð fyrir dreifnáminu þó mörgum þyki líka spennandi að flytja í burt og fara á heimavist.

Magnaðar myndir frá AK Extreme

AK Extreme snjóbretta- og tónlistarhátíðin var haldin á Akureyri dagana 12.  – 15. apríl og er þetta í sjötta sinn sem hún er haldin.

Dagskráin í ár var afar fjölbreytt og glæsileg. Þrír skemmtistaðir buðu upp á fjölbreytta tónleikadagskrá þ.e. Græni Hatturinn, Pósthúsbarinn og Kaffi Akureyri. Meðal hljómsveita og tónlistarmanna sem að koma fram eru:Agent Fresco, BlazRoca, Oculus, Óli Ofur, Intro Beats, ThizOne, Eldar, The Vintage Caravan, Endless Dark, Elín Ey, Gísli Pálmi, Konni Conga, Þórunn Antónía, Emmsjé Gauti og Captain Fufanu.

Magnaðar ljósmyndir frá Einari Guðmundssyni er að finna hér.

Íþróttavellir á Akureyri koma vel undan vetri

Íþróttavellir á Akureyri komu mjög illa undan vetri á síðasta ári og vegna kalskemmda var ásigkomulag knattspyrnuvalla og golfvallarins að Jaðri einstaklega slæmt. Fyrir vikið þurftu KA, Þór og GA að leggja í umtalsverðan kostnað við lagfæringar á svæðum sínum, en fengu félögin þó styrki frá Akureyrarbæ.

Útlitið í ár er hins vegar mun bjartara og líta vellirnir vel út miðað við árstíma.  Félögin leituðu eftir fjárframlagi frá Akureyrarbæ vegna ástands vallanna í fyrra og lagði bærinn félögunum til milljónir króna vegna þeirra aðgerða sem grípa þurfti til við lagfæringar. Sú vinna, sem framkvæmd var í fyrra, virðist ætla að skila sér vel, auk þess sem veðurfarslegar aðstæður hafa verið betri í ár en í fyrra.

Akureyrarstofa auglýsir eftir verkefnastjóra

Akureyrarstofa auglýsir 100% starf verkefnastjóra atvinnumála laust til umsóknar. Æskilegt er að viðkomandi geti hafið störf sem fyrst.
Verkefnastjóri atvinnumála heyrir undir framkvæmdastjóra Akureyrarstofu og er jafnframt starfsmaður verkefnisstjórnar um atvinnumál sem er þverpólitískur vinnuhópur.
Helstu viðfangsefni hópsins eru að móta atvinnustefnu og vera stjórn Akureyrarstofu til ráðgjafar um atvinnumál.

Helstu verkefni:

  • Samstarf og samskipti við hagsmunasamtök, fyrirtæki, einstaklinga og stofnanir
  • Leiða mótun nýrrar atvinnumálastefnu og sinna eftirfylgni hennar
  • Halda utan um atvinnuátaksverkefni á vegum Akureyrarbæjar
  • Gagnaöflun um atvinnulífið á Akureyri og framkvæmd viðhorfskannana
  • Þátttaka í verkefnum á sviði atvinnuþróunar og -uppbyggingar
  • Önnur verkefni sem verkefnastjóra eru falin

    Menntunar- og hæfniskröfur:

  • Háskólapróf sem nýtist í starfi
  • Þekking á atvinnulífi svæðisins æskileg
  • Reynsla af þátttöku í atvinnuuppbyggingu og/eða atvinnuþróun æskileg
  • Stjórnunar- og skipulagshæfileikar
  • Góð tölvufærni og geta til að vinna með tölulegar upplýsingar
  • Góð íslensku- og enskukunnátta og geta til að tjá sig í ræðu og riti
  • Sjálfstæði og frumkvæði í vinnubrögðum
  • Jákvæðni og hæfni í mannlegum samskiptum

    Tekið verður tillit til samþykktar bæjarstjórnar Akureyrar um jafnréttismál við ráðningu í starfið. Laun eru samkvæmt kjarasamningi sambands íslenskra sveitarfélaga og viðkomandi stéttarfélags.

    Á Akureyrarstofu fer fram fjölbreytt og öflugt starf en hún heldur utan um atvinnumál, markaðs- og ferðamál og menningarmál fyrir Akureyrarbæ.
    Megináhersla er lögð á að örva kraft og frumkvæði einstaklinga, fyrirtækja og stofnana, finna þeim farveg og koma á samstarfi aðila sem geta gert góðar hugmyndir að veruleika. Akureyrarstofa er til húsa í menningarhúsinu Hofi og eru starfsmenn fimm talsins.

    Umsjón með ráðningu

    Jónína Guðmundsdóttir – jonina.gudmundsdottir@capacent.is
    Sigríður Pétursdóttir – sigridur.petursdottir@capacent.is

    Umsóknafrestur til og með:

    25. apríl 2012

Markaðsetning ferðaþjónustufyrirtækja á Norðurlandi

Yfir 200.000 Íslendingar eru komnir á Facebook og 800 milljónir manna á heims vísu. Yfir 5 milljarðar mynda eru á flickr.com. YouTube er önnur vinsælasta leitarvélin. Tækifærin fyrir markaðssetningu eru gríðarleg, en hætturnar eru líka margar og fyrirtækjum gengur mjög misvel að fóta sig þar.

Fimmtudaginn 26.apríl stendur Markaðsstofa Norðurlands fyrir námskeiði í markaðssetningu á samfélagsmiðlunum. Námskeiðið verður haldið á Hótel KEA frá kl. 09-17.  Á námskeiðinu verður farið yfir hvaða breytingar eru að eiga sér stað og hvað þær þýða, hvernig hægt er að nýta Facebook, twitter, foursquare, flickr, youtube og aðra miðla til þess að breiða út boðskapinn og byggja upp sterkt vörumerki.

Fyrirlesari er Hjörtur Smárason sem unnið hefur við markaðssetningu á netinu frá 1997. Hjörtur hefur haldið námskeið og fyrirlestra um efnið víða um heim og kennir markaðsfræði og nýsköpun við Háskólann á Hólum.
Verðið er 28.000 kr. fyrir samstarfsfyrirtæki Markaðsstofunnar en 38.000 fyrir aðra.

Nánari upplýsingar á skráning hjá Kötu í síma 462-3300 eða á netfangið kata@nordurland.is

Húsavíkurflug hefst, ekkert bólar á flugi til Sauðárkróks ennþá

Áætlunarflug um Húsavíkurflugvöll hefst að nýju á sunnudag en ekki hefur verið flogið þangað í 12 ár. Það er flugfélagið Ernir sem mun bjóða upp á ferðir þangað fjóra daga vikunnar.

Flugfélag Íslands flaug á Húsavíkurflugvöll í Aðaldal fram til 1998 en eftir það hélt Mýflug upp áætlunarflugi þangað fram til ársins 2000. Tólf ár eru því síðan áætlunarflug um völlinn lagðist af en á sunnudag verður breyting þar á þegar flugfélagið Ernir flýgur fyrstu áætlunarferð sína þangað, en félagið mun í sumar bjóða upp á sjö ferðir á viku, fjóra daga vikunnar, milli Reykjavíkur og Húsavíkur. Ásgeir Örn Þorsteinsson er sölu- og markaðsstjóri flugfélagsins.

„Við erum búnir að vera að skoða möguleikann með Húsavík í töluverðan tíma, nokkur ár og við sáum einfaldlega tækifæri í stöðunni núna. Þannig að það eru bæði heimamenn og ferðaiðnaðurinn sem kveikti í okkur og fékk okkur til þess að starta flugi á Húsavík.”

Bókanir hafa farið vel af stað að sögn Ásgeirs og viðtökur ferðageirans hafa ekki síst verið góðar.

„Þetta er í boði fram á haustið og munum við taka ákvörðun vonandi bara um mitt sumar hvort að áframhald verði en það veltur á heimamönnum að mestu leyti og fyrirtækjum að nýta flugið til þess að hægt sé að halda þessu gangandi yfir veturinn.”

Heimild: Rúv.is

Sumarstörf í Húnaþingi vestra

Flokkstjórar í Vinnuskóla
Í starfinu felst skipulagning og stýring á vinnuhópum unglinga á aldrinum 13 til 16 ára við ýmis garðyrkjustörf o.fl. einnig leiðsögn, hópefli og hvatning til góðra verka. Hæfniskröfur: Æskilegur aldur 20 ár eða eldri, menntun og reynsla í störfum tengdum ungu fólki.
Mikilvægt er að umsækjendur séu stundvísir, samviskusamir og góðar fyrirmyndir unglingana. Hafi góða þjónustulund og hæfni í mannlegum samskiptum. Áhugi af garðyrkjustörfum nauðsynlegur.

Flokkstjóri við slátt
Flokkstjóri ber ábyrgð á sláttuhóp og stýrir á verkstað, gerir vinnuskýrslur fyrir hópinn og hefur umsjón með vélum og búnaði sláttuhóps. Hæfniskröfur: umsækjendur skulu vera 20 ára eða eldri og bílprófs er  krafist. Flokkstjóri skal vera stundvís, jákvæður, lipur og eiga auðvelt með að vinna með öðru fólki. starfsreynsla af garðyrkjustörfum nauðsynleg.

Daglegur vinnutími er virka daga frá kl. 8:00-17:00.

Grassláttur og almenn garðyrkjustörf.
Umsækjendur sjái um grasslátt á opnum svæðum sveitarfélagsins og sinni almennum garðyrkjustörfum einnig. Umsækjendur skulu vera 17 ára eða eldri.
Krafist er stundvísi, ástundar og dugnaðar.

Daglegur vinnutími er virka daga frá kl. 08:15-16:15.

Frekari upplýsingar veitir Ína Björk Ársælsdóttir Umhverfisstjóri í síma: 455-2400.

Almenn verkamannastörf í Áhaldahúsi
Meðal starfa eru  ýmis viðhaldsverkefni á vegum sveitarfélagsins, s.s veitur og fl. Reynsla og hæfniskröfur: Umsækjendur skulu vera fæddir 1994 eða fyrr og nauðsynlegt er að þeir hafi bílpróf og dráttarvélapróf, reynsla af sambærilegu starfi er kostur, Samviskusemi og stundvísi.

Daglegur vinnutími er virka daga frá kl. 08:00-17:00.

Frekari upplýsingar veitir Guðmundur Erlendsson verkstjóri í síma: 894-2909.

Skriflegri umsókn skal skilað á skrifstofu Húnaþings vestra fyrir 15. apríl næstkomandi. Íumsókninni þarf að koma fram; Almennar upplýsingar, menntun, fyrri störf og annað sem umsækjandi telur viðeigandi. Frekari upplýsingar og upplýsingar um launakjör eru veittar á skrifstofu Húnaþings vestra í síma 455-2400

Kaffi- og menningarhúsið Bjarmanes á Skagaströnd til leigu

Sveitarfélagið Skagaströnd auglýsir eftir umsóknum um að leigja og reka Kaffi-og menningarhúsið Bjarmanes á Skagaströnd. Húsið er laust til afnota í lok maí og í því er allur búnaður til reksturs kaffihúss.

Bjarmanes er fallegt steinhús, byggt 1913 en var allt endurbyggt 2004,og hefur þann einstaka anda sem einkennir mörg gömul hús. Það stendur miðsvæðis með góðu útsýni yfir höfnina og Húnaflóann.

Óskað er eftir að umsækjendur leggi fram með umsókn sinni hugmyndir um rekstrarform og menningarlegt hlutverk kaffihússins.

Umsóknum skal skilað á skrifstofu Sveitarfélagsins Skagastrandar fyrir 15. apríl 2012. Umsóknum má einnig skila rafrænt á netfangið skagastrond@skagastrond.is

Fyrir hönd sveitarstjórnar,

2. apríl 2012.

Sveitarstjóri

Varmahlíðarskóli gerði góða hluti í Skólahreysti

Varmahlíðarskóli varð hlutskarpastur í sínum riðli í Skólahreysti sem fram fór á Akureyri á fimmtudag og er þar með kominn í úrslitakeppnina sem fram fer þann 26. apríl í Laugardalshöll. Skagfirsku skólarnir í Varmahlíð, austan Vatna og á Sauðárkróki röðuðu sér í þrjú efstu sætin en Húnavallaskóli kom þar næstur.

Það verða því Varmahlíðarskóli, Hvolsskóli, Lindaskóli, Heiðarskóli, Foldaskóli, Hagaskóli, Grunnskóli vestur Húnvetninga, Grunnskólinn á Ísafirði, Egilsstaðaskóli og Giljaskóli sem etja kappi í úrslitum í Skólahreysti 2012-03-30

Úrslitin voru eftirfarandi:

Skóli Gildi Stig
Varmahlíðarskóli 40 40,00
Grunnskólinn austan Vatna 38 38,00
Árskóli 37 37,00
Húnavallaskóli 31 31,00
Hafralækjarskóli 29 29,00
Grunnskóli Fjallabyggðar 28 28,00
Grenivíkurskóli 25 25,00
Blönduskóli 24 24,00
Dalvíkurskóli 18 18,00

Ferðamálastofa veitir styrki

Alls bárust 75 umsóknir um styrki til smærri verkefna til úrbóta í umhverfismálum á ferðamannastöðum, sem Ferðamálastofa auglýsti á dögunum. Heildarupphæð styrkóska um 49 milljónir króna en til úthlutunar eru 8 milljónir króna. Áhersla er á verkefni er tengjast uppbyggingu og vöruþróun göngu- og hjólaleiða, bættu aðgengi og öryggi ferðamanna og söguferðamennsku. Hámarksupphæð hvers styrks verður 800 þúsund krónur og er hann ætlaður fyrir efniskostnaði og/eða hönnun. Ekki er veittur styrkur fyrir eldsneyti, fæðiskostnaði eða vinnuframlagi við framkvæmdir. Reiknað er með að tilkynna um úthlutun í byrjun apríl.

Vélsleðamaður féll niður um ís á Svínavatni

Vélsleðamaður féll niður um ís á Svínavatni, skammt frá Húnavöllum, á fjórða tímanum í gær. Ísinn á vatninu reyndist ótraustur og um fimmtíu metra frá landi brotnaði hann.

Tveir urðu vitni að óhappinu og gátu dregið manninn upp úr með kaðalspotta. Vélsleðinn sökk hins vegar til botns. Björgunarsveitir voru kallaðar út þar sem óttast var að maðurinn kólnaði hratt niður í vatninu en þær voru afturkallaðar þegar í ljós kom að maðurinn náðist fljótt upp úr vatninu.

Honum varð ekki meint af volkinu og þurfti ekki á frekari aðhlynningu að halda, eftir að hann komst í þurr föt.

Björgunarsveitarmenn vinna þó að því að ná sleðanum upp úr vatninu en lögreglan á Blönduósi telur að það sé hátt í tveggja metra djúpt þar sem sleðinn fór niður.

Heimild: Rúv.is

95. ársþing USAH og íþróttamaður ársins

95. ársþing USAH. fór fram um s.l. helgi á 100 ára afmælisári sambandsins en það verður 100 ára þann 30. mars n.k. Um 10 fulltrúar voru mættir ásamt gestum frá ÍSÍ og UMFÍ. Fram kom á þinginu að mikil afmælisveisla verður í Íþróttamiðstöðinni á Blönduósi laugardaginn 31. mars. Auk venjulegra aðalfundarstarfa var Íþróttamaður ársins valinn en það var að þessu sinni Magnús Örn Valsson úr Geislum en Magnús Örn hefur aðallega einbeitt sér að kúluvarpi og stóð sig mjög vel á síðasta ári.

EFLING FERÐAÞJÓNUSTU Á NORÐUR- OG AUSTURLANDI

 EFLING FERÐAÞJÓNUSTU Á NORÐUR- OG AUSTURLANDI

 Sólarhringstilboð milli Akureyrar og Kaupmannahafnar – aðrir áfangastaðir í Evrópu til skoðunar í haust og vetur

 Iceland Express mun fljúga vikulega milli Akureyrar og Kaupmannahafnar í júlí og fram í ágúst. Fyrsta flugið verður frá Akureyri síðdegis mánuaginn 2. júlí. Ef vel gengur með þessa þjónustu í samvinnu við ferðaþjónustuaðila, sveitarfélög á Norðurlandi og fleiri er Iceland Express með í skoðun að fljúga frá Akureyri til annarra áfangastaða í Evrópu í haust og vetur. Er þá helst horft til Lundúna.

Samningur hefur verið gerður milli Iceland Express annars vegar og Flugklasa Norðurlands Air 66N og ISAVIA hins vegar um að styrkja millilandaflug frá Akureyri. En að Flugklasa standa aðilar í ferðaþjónustu, sveitarfélög og fyrirtæki á Norðurlandi. Sameiginlega og hver um sig munu þessir aðilar kynna Norðurland sem ferðamannasvæði og þá þjónustu sem fyrirtæki þar hafa upp á að bjóða sem og þjónustu Iceland Express.

Af þessu tilefni býður Iceland Express upp á sólarhrings tilboð sem hefst kl. 12 á hádegi föstudaginn 9. mars og lýkur á hádegi á laugardag. Tiltekinn sætafjöldi býðst á 39.800 samanlagt með sköttum og gjöldum fram og til baka milli Akureyrar og Kaupmannahafnar

*. Flogið verður frá Kaupmannahöfn til Akureyrar á mánudögum kl. 13:10 og lent á Akureyri kl. 16:20 og þaðan flogið aftur til Kaupmannahafnar kl. 17:20 þar sem lent er kl. 20:20 að staðartíma.

*Takmarkað sætaframboð, valdar dagsetningar og valin flug í tilboðinu.

 

Þegar flugtímabilinu milli Akureyrar og Kaupmannahafnar lýkur verður boðið upp á beint flug milli Egilsstaða og Kaupmannahafnar í þrjár vikur. Fyrsta flugið frá Egilsstöðum verður mánudaginn 13. ágúst og eru brottfarartímar þeir sömu og í fluginu milli Kaupmannahafnar og Akureyrar.

 

Nánari upplýsingar veitir:

Heimir Már Pétursson upplýsingafulltrúi S: 862 2868 heimirp@icelandexpress.is

Hestamótið Mývatn Open 2012

Hið vinsæla hestamót Mývatn Open eða Hestar á ís verður haldið helgina 9. og 10. mars. Hestamannafélgið Þjálfi býður í reiðtúr út á frosið Mývatn á föstudeginum og er öllum hjartanlega velkomið að taka þátt í því að kostnaðarlausu.

Sel-Hótel Mývatn býður knöpum upp á samlokur og heitt kakó út í eyju.
Síðan hefst mótshaldið á laugardeginum sem endar með hestamannahófi á Sel – Hótel Mývatni um kvöldið.

Hesthúsapláss hefur ekki verið vandamál hingað til og mun Marinó (s. 8960593) aðstoða ykkur við að hýsa hestana.

Laugardagur 10. mars

Kl. 10:30          Tölt B   Ekkert aldurstakmark
Kl. 13:00          Tölt A
Stóðhestakeppni
Skeið
Verðlaunaafhending yfir kaffihlaðborði í Selinu
Kl. 19:30          Húsið opnar fyrir stemmingu kvöldsins,
Videosýning frá afrekum dagsins á breiðtjaldi
Kl. 20:30          Hestamannahóf hefst  – öllum opið.
Kl. 23:30          Kráarstemning og lifandi tónlist fram á nótt

Stóðhestakeppni- þar sem að alhliða og klárhestar etja kappi saman. Riðnar verða þrjár ferðir fram og til baka(samtals 6.ferðir) Fyrsta ferð hægt tölt og milliferðartölt til baka. Önnur ferð brokk og yfirferð til baka og má þá knapi velja milli skeiðs og tölts. Þriðja ferðin er svo frjáls báðar leiðir , þar sem knapinn má sýna allt það besta sem hesturinn hefur uppá að bjóða.

Skráningar hefjast Sunnudagskvöldið 4. mars og standa til miðvikudagskvölds 7.mars á netfanginu birnaholmgeirs@hotmail.com

Upplýsingar um nafn, föður, móður, lit, aldur, eiganda og knapa þurfa að koma fram (frekari uppl.um mótið og ráslisti verður á heimasíðu Þjálfa sem er www.123.is/thjalfi).

Skráningargjald er kr. 3.500,- og er borgað á staðnum í síðasta lagi klukkutíma áður en keppni hefst.
Vegleg verðlaun í boði (nánari uppl. verða á www.123.is/thjalfi)
Sel-Hótel Mývatn býður upp á gistitilboð
kr. 6.450,- á mann í tveggja manna herbergi og aukanótt  3.900,- á mann með morgunmat.  Kr. 9.900,- í eins manns herbergi.  Morgunmatur innifalinn.

Þriggja rétta glæsilegur kvöldverður og hestamannahóf á laugardagskvöldinu verð kr. 7.500,- á mann.

Bókanir í s. 464 4164 eða myvatn@myvatn.is
Hestamannafélagið Þjálfi og Sel-Hótel Mývatn.

 

Ólafur Ragnar gefur kost á sér áfram

Ólafur Ragnar Grímsson forseti Íslands ætlar að bjóða sig aftur fram til forseta. Þetta kemur fram í tilkynningu sem send var frá skrifstofu forseta fyrir stundu. Ólafur segist með þessu bregðast við þeim áskorunum og óskum almennings um það að hann bjóði sig fram að nýju. Þetta er fimmta kjörtímabil Ólafs en hann hefur nú verið forseti síðan 1996, eða í sextán ár.

Í yfirlýsingunni segir Ólafur Ragnar:

Að undanförnu hefur birst í áskorunum, könnunum, viðræðum og erindum ríkur vilji til þess að ég breyti þeirri ákvörðun sem ég tilkynnti í nýársávarpinu.
Í rökstuðningi er vísað til vaxandi óvissu varðandi stjórnskipan landsins og stöðu forseta í stjórnarskrá, umróts á vettvangi þjóðmála og flokkakerfis sem og átaka um fullveldi Íslands. Þá er einnig áréttað mikilvægi þess að standa vörð um málstað þjóðarinnar á alþjóðavettvangi.

Í ljósi alls þessa og í kjölfar samráðs okkar hjóna og fjölskyldunnar hef ég ákveðið að verða við þessum óskum og gefa kost á því að gegna áfram embætti forseta Íslands sé það vilji kjósenda í landinu.
Það er þó einlæg ósk mín að þjóðin muni sýna því skilning þegar stöðugleiki hefur skapast í stjórnskipan landsins og stjórnarfari og staða okkar í samfélagi þjóðanna hefur skýrst ákveði ég að hverfa til annarra verkefna áður en kjörtímabilið er á enda og forsetakjör fari þá fram fyrr en ella.

Bessastöðum 4. mars 2012
Ólafur Ragnar Grímsson

Uppeldistmiðstöð opnar á Akureyri

Uppeldismiðstöð sem veita mun alhliða ráðgjöf um barnauppeldi verður fljótlega opnuð á Akureyri. Þar geta foreldrar fengið lausn á vandamálum er tengjast uppeldi barna sinna í gegnum símalínu – og jafnvel fengið aðstoð heim í stofu.

Fjölskyldulínan er nýtt fyrirtæki á Akureyri sem veita mun foreldrum aðstoð í uppeldishlutverkinu. Að sögn Soffíu Gísladóttur, uppeldis- og menntunarfræðings, mun fyrirtækið veita aðstoð í stóru sem smáu, til að mynda með námskeiðahaldi og með rekstri símalínu og gagnvirkrar heimasíðu.

Soffía segir að foreldrar geti leitað til Fjölskyldulínunnar af minnsta tilefni en miðstöðin er hugsuð sem bakland fyrir foreldra í uppeldinu. Áætlað er að Fjölskyldulínan verði opnuð á sumardaginn fyrsta en fyrirtækið var eitt af fjölmörgum verkefnum sem kynnt voru á nýliðinni atvinnu-og nýsköpunarhelgi á Akureyri.

Heimild: Rúv.is

180 slóvenskir ferðamenn á Norðurlandi í sumar

Hinn 26. júní nk. lendir Airbus 320 þota á Akureyrarflugvelli með allt að 180 ferðamenn frá Slóveníu á vegum Ferðaskrifstofunnar Nonna. Fólkið mun leggja leið sína um Norðurland og önnur landsvæði næstu 7 dagana áður en það snýr aftur til síns heima 3. júlí. Samstarfsaðilar í Slóveníu eru Adria Airways og ferðaskrifstofur sem hafa selt ferðir til Íslands í mörg ár. Það hefur kostað mikla fyrirhöfn að telja hina erlendu samstrafsaðila á að fljúga til Akureyrar því Reykjavík og Keflavíkurflugvöllur eru flestum efst í huga.

Ferðaskrifstofan Nonni var stofnuð árið 1989 með það að markmiði að taka á móti erlendum ferðamönnum á Akureyri og greiða leið þeirra um Norðurland sérstaklega. Þetta hefur tekist bærilega og er skrifstofan sem betur fer ekki lengur ein, heldur eru fjölmargir aðilar hér á svæðinu sem allir leggjast á eitt. Í fyrra var ferðaskrifstofan einnig með beint flug frá Slóveníu og eru þessi flug liður í þeirri viðleitni að fá sem flesta ferðamenn beint til Akureyrar. Fyrir ári síðan voru 20 ár liðin síðan Íslendingar viðurkenndu fyrstir þjóða sjálfstæði Slóveníu og gróðursettu þá hver og einn hinna erlendu gesta eitt tré í sérstakanlundí Kjarnaskógi við Akureyri. Nú er ætlunin að endurtaka þetta og stækka lundinn.

Viðunandi nýting á flugvélunum byggist á því að Íslendingar nýti flugið einnig. Ferðaskrifstofan hefur því sett saman áhugaverð ferðatilboð fyrir Íslendinga sem býðst að fljúga beint til og frá Slóveníu sömu daga. Hefur eftirspurn verið mjög góð og nær hún til allra landshluta. Einn af kostum Akureyrarflugvallar er hversu stuttan tíma það tekur að innrita sig og fara í gegnum vopnaleit. Lítil fríhöfn er á vellinum og allur aðbúnaður með ágætum.

Knattspyrnuakademía Norðurlands með knattspyrnuskóla á Akureyri

Knattspyrnuakademía Norðurlands stendur fyrir knattspyrnuskóla í Boganum á Akureyri í lok þessa mánaðar og í mars og apríl. Um er að ræða tveggja vikna námskeið fyrir hressa fótboltakrakka sem hafa metnað og áhuga á að ná langt í íþróttinni. Á hverju námskeiði fyrir sig verður lögð áhersla á að styrkja alla helstu grunnþætti knattspyrnunar. Hver þjálfari mun stýra hópi með 10 börnum.

Æfingartímar:
Mánudagur: 06:15-07:15, morgunmatur.
Þriðudagur: 06:15-07:15, morgunmatur.
Miðvikudagur: 18:30-20:00, bókleg fræðsla,
Fimmtudagur: 06:15-07:15, morgunmatur.
Föstudagur: 06:15-07:15, morgunmatur.

Námskeið eitt er dagana 27.02.2012. til 09.03.2012. fyrir stráka og stelpur í 4. flokki.
Námskeið tvö er daganna 19.03.2102 til 29.03.2012 fyrir stráka og stelpur í 5. flokki.
Námskeið þrjú er daganna 16.04.2012 til 27.04.2012 fyrir stráka og stelpur í 3. flokki.

Einungis eru 30 sæti í boði á hverju námskeiði fyrir sig
Verð á námskeiði er 7.500 kr. og er morgunmatur innifalin.

Þjálfarar á námskeiðinu eru eftirfarandi:
•    Þórólfur Sveinsson, 12 ára reynsla af þjálfun barna og unglinga – UEFA B
•    Sandor Matus, Markvörður meistarflokks KA og þjálfari yngri flokka – UEFA B
•    Magnús Eggertsson, Íþróttafræðingur með mikla reynslu af yngriflokkaþjálfun.
•    Ásamt gestaþjálfurum og gestafyrirlesurum.

Upplýsingar og skráning á námskeiðin fer fram á academia.nordurlands@gmail.com

Nánari upplýsingar veita:
Ólafur Örn Torfason, 867 7034
Eiður Arnar Pálmason, 896 6782
Þórólfur Sveinsson, 891 9081

Söfnun á rúlluplasti í Húnavatnshreppi

Þriðjudaginn 28. febrúar nk fer fram söfnun á rúlluplasti í Húnavatnshreppi.

Þeir aðilar sem ætla að koma rúlluplasti á söfnunaraðila verða að gæta þess að plastið sé tilbúið til flutnings og hæft til endurvinnslu. Plastið verður að vera þokkalega hreint og í því mega ekki vera aðskotahlutir s.s. net eða heyafgangar.

Þeir sem vilja nýta sér þessa þjónustu vinsamlega tilkynni það til skrifstofu Húnavatnshrepps í síma 452-4660 / 452-4661 eða á netföngin hunavatnshreppur@emax.is eða jens@emax.is fyrir þriðjudaginn 28. febrúar.

Óskað eftir umsjónaraðila fyrir ferðaþjónustu

Áfangi, gistiheimili við Kjalveg

Húnavatnshreppur óskar eftir að ráða umsjónaraðila með ferðaþjónustu í Áfangaskála sumarið 2012. Um er að ræða tímabilið frá 20. júní  til 20. ágúst.

  • Svefnpláss er fyrir 32 í 8 herbergjum. Matsalur fyrir 40 manns, setustofa og heitur pottur.
  • Góð aðstaða er fyrir hesta, hesthús og tvö afgirt hólf.
  • Frekari upplýsingar eru veittar á skrifstofu Húnavatnshrepps og í síma 452 4661.

Umsóknum skal skilað á skrifstofu Húnavatnshrepps á Húnavöllum, eða á netfangið jens@emax.is

Umsóknarfrestur er til 14. mars 2012.

Atvinnu- og nýsköpunarhelgi á Akureyri

Atvinnu- og nýsköpunarhelgin á Akureyri fer fram dagana 24. – 26. febrúar. Viðburðurinn fer fram í aðalsal Háskólans á Akureyri, Sólborg Norðurslóð 2.

Að helginni standa Innovit og Landsbankinn í samstarfi við Akureyrarbæ. Eins styðja fjölmörg fyrirtæki af svæðinu rausnarlega við viðburðinn. Verðlaun og viðurkenningar verða veitt í nokkrum flokkum en alls nema heildarverðlaun viðburðarins 1.500.000 milljón króna.

Þátttaka er ókeypis og skráning á ANH.is

Dagskráin:

Föstudagur:

17:30 Hús opnar
18:00 Viðburðurinn settur – Kristján Freyr Kristjánsson, framkvæmdastjóri Innovit
18:30 Kvöldmatur/Tengslanet (Speed networking)
19:00 Hugmyndir þátttakenda kynntar
20:00 Teymi helgarinnar mynduð
21:00 Markmið sett fyrir helgina, verkaskipting innan teyma
22:00 Hús lokar


Laugardagur:

09:00 Hús opnar, vinna helgarinnar hefst
12:00 Hádegismatur – Örfyrirlestur
13:00 Mentorar para sig með teymum
16:00 Reynslusaga frá íslensku sprotafyrirtæki
19:00 Kvöldmatur
22:00 Hús lokar
Sunnudagur: 

09:00 Hús opnar
12:00 Hádegismatur
15:00 Kynningar hefjast fyrir dómnefnd
17:00 Viðurkenningar veittar – næstu skref fyrir frumkvöðla
18:00 Hús lokar

Séra Sigurður Ægisson lýsir stuðningi við Sigurð Árna

Stuðningur við Sigurð Árna Þórðarson

Eftir Sigurð Ægisson

Þegar herra Karl Sigurbjörnsson biskup lýsti því yfir 12. nóvember síðastliðinn að hann myndi láta af embætti um sumarið 2012, renndi ég í huganum yfir þá kandídata sem mér fannst til greina koma sem eftirmenn hans á stóli. Og þetta endurtók sig næstu daga. Niðurstaðan varð ávallt hin sama. Eitt nafn stóð upp úr, eða öllu heldur gnæfði yfir.

Íslenska þjóðkirkjan hefur undanfarið verið í miklu róti, að ekki sé fastar að orði kveðið, sterkir vindar um hana nætt, og þarfnast nauðsynlega einhvers sem getur komið henni burt úr þeim ólgusjó, hratt og örugglega, rétt kúrsinn og siglt fleyinu áfram, mót komandi tímum.

Ég tel dr. Sigurð Árna Þórðarson, prest í Neskirkju í Reykjavík, vera rétta manninn í verkið. Það byggi ég á yfir 30 ára kynnum mínum af honum. Aldrei hefur neinn skugga borið þar á. Það hefur verið gott að leita til hans, jafnt í gleði sem raun. Hann kemur til dyranna eins og hann er klæddur, alltaf hreinn og beinn. Og er umhyggjusamur og hollráður.

Hann fylgist vel með umræðu líðandi stundar, er næmur, vökull og réttsýnn. Og guðfræði hans og lífsskoðun er öfgalaus, víðfeðm, björt og hlý. Eins og hann sjálfur.

Sigurður Árni hefur allt það til að bera sem prýða má þann hirði sem verið er að leita að.

Hann tók áskorun minni og fjölmargra annarra og gefur kost á sér. Það er sannarlega fagnaðarefni.

Dr. Sigurður Árni Þórðarson heldur kjörmannafund í safnaðarheimili Akureyrarkirkju næstkomandi sunnudag, 19. febrúar, kl. 13.00.

Sigurður Ægisson
sóknarprestur í Siglufjarðarprestakalli

Heimild: www.siglfirdingur.is

Geirmundur Valtýsson dæmir í söngvakeppni FNV

Föstudaginn 17. febrúar verður haldin söngkeppni Fjölbrautarskóla Norðurlands vestra(FNV) þar sem keppt verður um þátttökurétt í Söngkeppni framhaldsskólanna 2012. Dagskrá hefst klukkan 20 á Sal bóknámshúss.
Dómarar eru Geirmundur Valtýsson, Guðbrandur Ægir Ásbjörnsson og Helga Rós Indriðadóttir en allur tónlistarflutningur er í umsjón nemenda skólans.
Aðgangseyrir: 800 kr. fyrir meðlimi NFNV og yngri en 1500 kr. fyrir aðra.