Bæjarlistamaður Akureyrar

Bæj­arlista­maður Ak­ur­eyr­ar 2017-2018 er rithöfundurinn og tónlistarmaðurinn Orri Harðarson. Orri á að baki langan feril sem tónlistarmaður en hefur síðustu árin snúið sér að ritlistinni. Hann hefur gefið út nokkrar skáldsögur auk þess sem lagasmíðar fyrir nýja plötu eru hafnar.

Akureyrarstofa veitir að auki heiður­sviður­kenn­ingu Menn­ing­ar­sjóðs og er hún veitt ein­stak­ling­i sem hefur með fram­lagi sínu stutt við og auðgað menn­ing­ar­líf bæj­ar­ins. Í ár varð fyrir valinu handverkskonan Jenný Karlsdóttir en hún hefur lagt mikið af mörkum við að varðveita og upphefja íslenska menningararfinn. Jenný hefur um langa hríð safnað munstrum og gert þau aðgengileg fyrir almenning. Hún heldur úti heimasíðunni munstur.is þar sem sjá má feiknin öll af heimildum um hverskyns munstur. Hún er einn stofnenda Laufáshópsins sem nú heitir Þjóðháttafélagið Handraðinn og hefur ásamt Oddnýju Magnúsdóttur heimsótt um helming kirkna landsins til að skrásetja og mynda altarisdúka.

Ákveðið hefur verið að Menningarfélag Akureyrar bjóði bæjarlistamanni ár hvert að nýta sér Menningarhúsið Hof eða Samkomuhúsið sem vettvang fyrir sýningu eða annars konar uppákomu í lok starfsársins.