All posts by Magnús Rúnar Magnússon

Tindastóll burstaði Hött


Tindastóll og Höttur mættust í blíðskaparveðri á Sauðárkróksvelli þann 7.júlí. Fyrir leikinn munaði tveim stigum á liðunum.

Ljóst var fyrir leik að markmaður Hattar, Ryan Allsop myndi ekki spila í dag, Ryan hefur verið stórgóður á milli stangana og aðeins fengið á sig sex mörk.

Leikurinn hófst fjörlega þar sem liðin skiptust á að sækja. Tindastólsmenn pressuðu vel og uppskáru mark á 8.mínutu þegar Ben Everson skoraði laglegt mark. Mikil barátta var í leiknum og sóknir báðu megin þó svo að Hattarmenn hafi ekki að skapa sér neitt afgerandi færi.

Heimamenn náðu síðan hægt og bítandi yfirhöndinni í leiknum og voru þeir að skapa stórhættu í hverri sókn. Það var síðan gegn gangi leiksins að Hattarmenn jafna úr hornspyrnu, en þar var að verki Stefán Þór Eyjólfsson á 30.mín. Strax í næstu sókn fá Tindastólsmenn hornspyrnu og þar hoppar Dominic Furness manna hæst og skallar hann í netið og kemur Tindastóli aftur yfir.

Eftir þetta auka Tindastólsmenn enn frekar í sóknarleikinn og hver sóknin af annari dynur á Héraðsbúum. Það er síðan á 37.mín að yngsti Furness bróðirinn, Theo skorar fínt mark og staðan orðin 3-1. Stólarnir halda áfram að yfirspila Hattarmenn á miðjunni og bæta við fjórða markinu á markamínutuni miklu. Þar var að verki Theodore Furness í annað sinn.

Eysteinn Húni Hauksson þjálfari Hattar hefur væntanlega messað vel yfir sínum mönnum í hálfleik því allt annar bragur var á liðinu í byrjun seinni hálfleiks. Þeir náðu upp betra spili og höfðu undirtökin í leiknum. Það var svo á 60.mínutu að Stefán Þór Eyjólfsson skoraði sitt annað mark eftir klafs í teignum og Höttur eygðu þarna smá von. Stólarnir náðu að koma sér aftur betur inní leikinn og náðu markvissari sóknum sem skilaði sér í enn einu marki fyrir Stólana, Ben Everson bætti við sínu öðru marki í leiknum á 72.mínutu og staðan orðin 5-2.

Eftir þetta voru stólarnir komnir með öll tök á vellinum sóknir liðsins stórhættulegar og þeir hefðu hæglega getað bætt við 2-3 mörkum til viðbótar áður en varamaðurinn Max Toulute bætti við sjötta marki heimamanna á 89.mín. Í uppbótartíma voru Stólarnir klaufar að ná ekki að bæta við sjöunda marki sínu í leiknum.

Jan Erik Jessen dómari leiksins flautaði síðan leikinn af og sanngjarn 6-2 sigur heimamanna staðreynd. Eftir leikinn komu Stólarnir sér upp í fimmta sæti deildarinnar með 11.stig og markatöluna 19-17. Hattarmenn sem voru búnir að fá á sig sex mörk fyrir þennan leik eru stigi á eftir Stólunum í sjöunda sæti með markatöluna 10-12.

Fótboltamót á Akureyri

Akureyri er mikill íþróttabær og fjöldi íþróttamóta er haldinn í bænum allt árið um kring. Um helgina fara fram tvö af stærstu mótum ársins; N1-mót KA og Pollamót Þórs og Icelandair. N1-mót KA hófst á miðvikudaginn og lýkur með lokahófi í KA-heimilinu á morgun, laugardag. Frá fyrsta mótsdegi hefur verið mikið fjör á svæðinu og óhætt að segja að veðurguðirnir hafi leikið við mótsgesti.

Í ár taka þátt 152 lið frá 38 félögum og er fjöldi keppenda um 1.350 auk þjálfara, fararstjóra, foreldra og annarra aðstandenda. Í það heila eru spilaðir á sjötta hundrað leikir á KA-svæðinu um helgina. Á mótinu er spilað í sex deildum og verða undanúrslitaleikir spilaðir síðdegis í dag en leikir um sæti spilaðir á morgun. N1-mótið er haldið með samstilltu átaki gríðarlegs fjölda sjálfboðaliða og knattspyrnuiðkenda hjá KA og er talið að um 300 sjálfboðaliðar komi að framkvæmd mótsins.

Pollamót Þórs og Icelandair, fyrir eldri knattspyrnupilta- og stúlkur, verður haldið í 25. skipti á Þórssvæðinu um helgina. Mikið verður um dýrðir á mótssvæðinu við Hamar og boðið upp á grillveislur gegn vægu gjaldi í kvöld og annað kvöld auk þess sem Jónsi í Svörtum fötum og Ingó veðurguð munu stíga á stokk og skemmta gestum og gangandi. Einnig mun Kristján Kristjánsson, listflugmaður, sýna ævintýralegar listir sínar yfir Þórsvellinum. Um sannkallaða fjölskyldustemningu er að ræða á mótinu og verður boðið upp á leiktæki fyrir börn á öllum aldri alla helgina.

Keppt verður í tveimur flokkum kvenna: 20 ára og eldri etja kappi í Skvísudeild og 30 ára og eldri í Ljónynjudeild. Karlaflokkarnir eru þrír: 30 ára og eldri taka þátt í Polladeild, 40 ára og eldri í Lávarðadeild og 45 ára og eldri reyna með sér í Öldungadeild.

Mörg lið hafa skráð nafn sitt í sögubækur mótsins með frækinni frammistöðu innan vallar sem utan og ber þar helst að nefna hið víðfræga lið Ginola. Að sögn Rúnars Þórs Jónssonar, fyrirliða Ginola, hafa liðssmenn verið að týnast í bæinn á síðustu dögum einn af öðrum. “Mikil tilhlökkun ríkir í okkar herbúðum enda hefur undirbúningur staðið yfir í nokkurn tíma. Pollamótið er orðið stór hluti af sumarfríi liðsmanna Ginola enda eru margir brottfluttir Akureyringar í liðinu. Það er því frábær tilfinning að koma til Akureyrar um hásumar til þess að spila fótbolta með félögunum. Án nokkurs vafa munum við skemmta okkur og andstæðingum okkar með skemmtilegum leik,” segir Rúnar og hlær.

Ísbjörninn fannst ekki í dag

Formlegri leit að hvítabirni sem talinn var vera við Húnaflóa er lokið í dag. Stýrimaður þyrlu Landhelgisgæslunnar sem fór um svæðið í dag segir næsta víst að ef björninn hafi verið á svæðinu hefði sést til hans úr þyrlunni.

Á miðvikudaginn taldi fólk sig sjá til hvítabjarnarins á sundi, þyrlan hefur farið um svæðið síðan og leitað en ekki haft erindi sem erfiði.
Hilmar Þór Hilmarsson, varðstjóri lögreglunnar á Blönduósi segir að á morgun verði metið að nýju hvort þyrlan verður kölluð til leitar. Engin skipulögð leit sé á jörðu niðri.

„Eina formlega leitin sem er er úr lofti með þyrlunni. Það er ekki hægt að leita þetta öðruvísi. Við viljum bara að fólk verði á varðbergi og láti okkur vita ef það sér eitthvað einkennlegt og við viljum eftir sem áður að fólk sé ekki að raska sínum plönum,” saði Hilmar.

Henning Þór Aðalmundsson er stýri- og sigmaður í áhöfn þyrlunnar en hún fór aðallega um Heggstaðanes og Vatnsnes í dag og leitaði vandlega frá fjalli niður í fjöru. Í gær var farið yfir Húnaflóann allan, úti á sjó og meðfram strandlengjunni.

„Það er ekkert 100 prósent, en við teljum að við höfum leitað það vel að við hefðum rekist á hann sé hann þarna. Þetta eru mikil flökkudýr. Stoppa sjaldnast við á sama stað lengi og eru yfirleitt bara á flandri og ef hann hefur verið á sundi gæti hann verið kominn til sjávar eitthvert en það hvítnar aðeins á báru núna en því er það aðeins erfiðara að fylgjast með þar sem það er hvítt á sjónum,” sagði Henning Þór Aðalmundsson.

Heimild: Rúv.is

Ísbirnir auka ferðamennsku

Leitin að hvítabirninum hefur jákvæð áhrif á ferðaþjónustuna á Norðurlandi vestra, segir starfsmaður samtaka sveitarfélaga á svæðinu. Eldri borgarar sem skoðuðu Vatnsnesið í gær sýndu engin merki um hræðslu við hvítabjörn.

Kastljósi fjölmiðlanna hefur verið beint að Húnaþingi, eftir að leitin að hvítabirninum hófst. Vertíðin hjá ferðaþjónustufyrirtækjum stendur sem hæst og segir Gudrun Kloes hjá Samtökum sveitarfélögum á Norðurlandi vestra að þessi mikla athygli skaði síður en svo ferðaþjónustuna á svæðinu.

„Ég ég held að hún hafi bara jákvæð áhrif, við sáum það strax í gær, þá streymdu menn að og voru mjög opnir fyrir því að skoða sig um og svipast eftir dýrinu. Þetta er ekki ólíkt náttúruhamförum, sem hafa svo jákvæð áhrif þegar þeim lýkur og við vonum bara að það gerist ekkert hræðilegt á meðan, þá er þessi björn bara algjör gullmoli fyrir ferðaþjónustuna á svæðinu,” sagði Gudrun. Hún segir að ekki hafi nokkur hræðslumerki verið að sjá á ferðamönnum sem komu í gær.
„Við sáum það í gær, þá fór hópur eldri borgara í Reykjavík um svæðið. Þeir voru bara rólegir,” sagði Gudrun Klaes hjá Samtökum sveitarfélaga á Norðurlandi.

Heimild: Rúv.is

Ísbjörn týndur á Húnaflóasvæðinu

Lögreglan á Blönduósi telur nú að hvítabjörn sé einhvers staðar á Húnaflóasvæðinu. Veginum út á Vatnsnes var lokað fyrr í kvöld.

Þyrla Landhelgissælsunnar fann fyrir skömmu spor í fjörunni fyrir neðan Geitafell á vestanverðu Vatnsnesi og eru sporin að öllum líkindum eftir hvítabjörn. Kristján Þorbjörnsson, yfirlögregluþjónn á Blönduósi, segir að björn sé á svæðinu og biður fólk við allan Húnaflóa um að hafa varann á uns búið er að finna dýrið.

Ítalskir ferðalangar töldu sig hafa séð björn á Húnaflóa í dag og var  þyrla Landhelgisgæslunnar send til leitar. Eftir að fréttir voru fluttar um leitina í kvöld hafði ung kona samband við lögreglu og sagðist hafa séð ljósgulan blett út á hafi snemma í morgun. Hún hefði talið að hugsanlega gæti verið um hvítabjörn að ræða en þótt það svo ólíklegt að hún sagði ekki frá því fyrr en aðrar fréttir bárust um hugsanlegar hvítabjarnarferðir.

Ítölsku ferðamennirnir voru í fjörunni fyrir neðan Geitafell þegar þau töldu sig sjá hvítabjörn. Þeir sýndu heimilisfólki á Geitafelli myndir og myndskeið. Heimilisfólkið var ekki visst um að um hvítabjörn væri að ræða, en lét lögregluna engu að síður vita og í kjölfarið fóru lögreglumenn að svipast um. EFtir að Ítalarnir fórú frá Geitafelli
Lögreglan vill ná sambandi við ítölsku ferðamennina, um er að ræða miðaldra ítölsk hjón með tvo drengi á gráum jepplingi. Lögreglan biður því ferðaþjónustufólk að hafa samband ef það veit um ferðir þeirra.

Heimild: Rúv.is

Opið fyrir skráningu á 15. Unglingalansmóti UMFÍ

1. júlí verður opnað fyrir skráningu á 15. Unglingalandsmót UMFÍ sem haldið verður á Selfossi um verslunarmannahelgina. Skráningu lýkur á miðnætti 29. júlí.

Unglingalandsmótin hafa svo sannarlega sannað gildi sitt sem glæsilegar fjölskyldu- og íþróttahátíðir þar sem saman koma þúsundir barna og unglinga ásamt fjölskyldum sínum og taka þátt í fjölbreyttri dagskrá.

Unglingalandsmót UMFÍ er vímuefnalaus fjölskylduhátíð þar sem börn og unglingar á aldrinum 11 – 18 ára reyna með sér í fjölmörgum íþróttagreinum. Samhliða er boðið upp á fjölbreytta afþreyingu, leiki og skemmtun fyrir alla fjölskylduna.

Unglingalandsmótin hafa hvarvetna vakið mikla athygli og þeir fjölmörgu sem þau hafa sótt hafa verið öðrum til mikillar fyrirmyndar með allri framkomu hvort sem er í keppni eða leik. Unglingalandsmótin eru klárlega með stærri íþróttaviðburðum á Íslandi ár hvert og eru nú orðin árlegur viðburður um verslunarmannahelgina.

Texti og mynd: umss.is

Rektor Hólaskóla vill samning við ráðuneytið

Hluti skýringarinnar á fjárhagsvanda Hólaskóla er sá að skólinn hefur aldrei haft samning við menntamálaráðuneytið um kennslu á háskólastigi. Þetta segir nýr rektor skólans.

Erla Björk Örnólfsdóttir tók nýlega við stöðu rektors við háskólann á Hólum. Erla boðar enga byltingu í rekstri skólans, sem situr uppi með uppsafnaðan rekstrarhalla, en eitt af hennar fyrstu verkum í starfi hefur verið að ýta á eftir samningi við mennta – og menningarmálaráðuneytið um kennslu á háskólastigi. Að hennar sögn er slíkur samningur í undirbúningi.

„Eins og staðan er í dag er Hólaskóli ekki með samning við Menntamálaráðuneytið um kennslu á háskólastigi, allir aðrir háskólar hafa það. Háskólinn á Hólum hefur aldrei haft samning við mennta- og menningarmálaráðuneytið um kennslu á háskólastigi.  Þannig að Háskólinn á Hólum fær ekki greitt samkvæmt þeim nemendum og nemendaígildum sem hér eru. Þannig að Háskólinn á Hólum hefur fengið greiddar upphæðir samkvæmt samingum sem eru ekki tengdar því námi sem kennt er hérna. Sem er hluti af því afhverju háskólinn áhólum er í fjárhagsörðugleikum af því að reksturinn er kannski ekki í takt við kennsluna.”

Erla segir að samningurinn skipti miklu máli fyrir allan rekstur skólans auk þess sem hann sé mikil viðurkenning fyrir skólann.

„Það er mjög stórt skref í viðurkenningu á því starfi, því góða starfi sem er unnið hér, þannig að já við bíðum í ofvæni.”

Norðurorka veitti styrki til samfélagsverkefna

Styrkjum Norðurorku hf. til samfélagsverkefna var úthlutað fimmtudaginn 21. júní við athöfn í sal fyrirtækisins að Rangárvöllum á Akureyri.
Haustið 2011 ákvað stjórn Norðurorku hf. að fara í endurskoðun á ýmsum þáttum í stefnumótun félagsins og var einn þeirra styrkveitingar til samfélagsverkefna.
Samþykkt var stefna félagsins í styrkveitingum og þar með þau grundvallarsjónarmið sem líta skal til við styrkveitingar. Þáttur í nýju ferli var að auglýsa eftir umsóknum um styrki til samfélagsverkefna og leitast við að gera ferlið opnara og gegnsærra þannig að öllum gæfist kostur á að koma óskum sínum á framfæri við félagið.
Í kjölfar þessarar vinnu voru síðan birtar auglýsingar um styrki Norðurorku til samfélagsverkefna. Um þetta sagði í frétt á heimasíðu félagsins að þessu tilefni:
„Veittir eru styrkir til menningar- og lista, íþrótta- og æskulýðsstarfs og góðgerðarmála. Markmið með styrkjum Norðurorku hf. er að styðja við sjálfsprottið starf, starfsemi frjálsra félagasamtaka og framtak einstaklinga sem stuðlar að farsælli þróun samfélagsins, lífsgæðum og fjölbreyttu mannlífi.“
Í framhaldi af þessu skipaði framkvæmdaráð Norðurorku hf. vinnuhóp starfsmanna til þess að fara yfir þær rúmlega eitthundrað og fimmtíu umsóknir sem bárust. Vinnuhópurinn skilaði tillögum sínum til stjórnar Norðurorku hf. sem afgreiddi þær óbreyttar á fundi sínum þann 31. maí s.l.
Fram kom hjá hópnum að verkefnið var erfitt enda gífurlega mörg góð verkefni sem sótt var um styrk til. Sýna umsóknirnar þá miklu grósku sem er á öllum sviðum samfélagsins og styrkja okkur í þeirri niðurstöðu að ástæða hafi verið til að opna vinnuferli okkar og gera það gegnsærra.

Eftirtaldir aðilar hljóta styrk að þessu sinni:

Nafn styrkþega verkefnið fjárhæð
Aflið – Samtök gegn kynferðis og heimilisofbeldi á Nl. rekstrarstyrkur 100.000
Leikfélagið Adrenalín leiklist eflir lífsleikni 150.000
Æskulýðssamtök Laufásprestakalls æskulýðsstarf 100.000
Hjólabrettafélag Akureyrar bætt aðstaða 100.000
Hrafnhildur Ósk Birgisdóttir afreksstyrkur – landsliðið á skautum 75.000
Norræna félagið Ólafsfirði norrænar sumarbúðir 200.000
Kvennahandbolti KA og Þór – 8. til 4. flokkur keppnistreyjur kvfl. KA/Þór 400.000
Safnasafnið úrbætur á aðgengi að safninu 200.000
Textílbomban – 19 textíllistamenn samsýning – Listasumar 300.000
Öldrunarheimilin á Akureyri garður og hænsnahús 200.000
Karatefélag Akureyrar félagsstarfið 100.000
Multicultural Council fjölmenning viðburðir o.fl. 100.000
Fimleikafélag Akureyrar æfingabúðir – koma erl. þjálfara 150.000
Gamli barnaskólinn Skógum Fnjóskadal uppbygging safns 100.000
Sundfélagið Óðinn startbúnaður 100.000
Skíðafélag Akureyrar bætt aðstaða við gönguhús 100.000
Lionsklúbburinn Vitaðsgjafi lyftukaup – sundlaugin að Hrafnagili 100.000
Birna Guðrún Baldursdóttir tilr. verkefni klúbbur einhverfa unglinga 75.000
Ungmennafélagið Smárinn – Hörgársveit fótboltamörk við Þelamerkurskóla 250.000
Leikklúbburinn Krafla – Hrísey leiklistarnámskeið fyrir börn 100.000
Sumarbúðir KFUM og KFUK Hólavatni viðbygging við félagsmiðstöð 250.000
Skátafélagið Klakkur námskeið fyrir foringja 100.000
Klakarnir – útivistarklúbbur fatlaðra barna námskeið fyrir þjálfara 150.000
Alberto Porro Carmona tónlistarkennsla – barnabók 100.000
Hafdís Sigurðardóttir afreksstyrkur – frjálsar íþróttir 75.000
Akureyrarkirkja sumaropnun 200.000
Foreldrafélag strengjadeildar Tónlistarskólans félagsstarf – strengjamót í Hörpu 150.000

Solveig Lára nýr vígslubiskup að Hólum

Solveig Lára Guðmundsdóttir, sóknarprestur á Möðruvöllum í Hörgárdal var valin í embætti vígslubiskups á Hólum. Atkvæði voru talin í dag í síðari umferð kosninga. Kosið var á milli hennar og Kristjáns Björnssonar, sóknarprests í Vestmannaeyjaprestakalli. Solveig Lára fékk 96 atkvæði og Kristján 70

Nýr vígslubiskup að Hólum verður vígður á Hólahátíð í ágúst og tekur við embætti 1. september.

Kennara vantar í Skagafjörð

Laus staða umsjónarkennara í Sólgarðaskóla

Við Grunnskólan austan Vatna – Sólgarðaskóla er laus staða umsjónarkennara fyrir næsta skólaár

 

Laus staða kennara á Hofsósi

Við Grunnskólann austan Vatna – Hofsósi eru lausar stöður í list- og verkgreinum, þ.e. í heimilisfræði og hönnun og smíði.

Stöðuhlutfall hverrar námsgreinar er um 35%.

Nánari upplýsingar um stöfin gefur Jón Hilmarsson, skólastjóri í síma 898-6364

Laun skv. kjarasamningi KÍ.

Umsóknir sendist á netfangið jon@gsh.is ásamt ferilskrá og mynd. Umsóknarfrestur er til 2. Júlí.

Tom Cruise lentur á Norðurlandi

Kvikmyndastjarnan Tom Cruise kom síðdegis þann 18. júní með á þyrlu og lenti við
Hrafnabjörg í Vaðlaheiði á Norðurlandi. En eins og fram hefur komið í fjölmiðlum er
leikarinn staddur hér á landi við tökur á kvikmynd sinni Oblivion og mun
hann dvelja í Hrafnabjörgum á meðan tökur fara fram á Íslandi eða í um tvær
vikur. Tökuliðið kom flest til Akureyrar með fokker flugvélum fyrir hádegi í
dag og ók rakleiðis í Hrossaborg í Mývatnssveit þar sem tökur hófust í
dag.

Frá þessu greindi vefurinn Akureyri.net.

Golfmaraþon á Sauðárkróki

Á föstudaginn s.l. fóru börn og unglingar Golfklúbbs Sauðárkróks létt með að spila 1000 golfholur eins og þau hétu að gera til styrktar unglingastarfi klúbbsins. Það tók þau aðeins um 11 klukkustundir. Frábær stemming var meðal krakkanna og allir stóðu sig frábærlega, ekki sýst þau yngstu, sem gengu allan daginn og létu engan bilbug á sér finna.

 

Tindastóll lagði Víking

Tindastóll 3 – 1 Víkingur R.

0-1 Evan Schwartz (’11 )
1-1 Fannar Freyr Gíslason (’12 )
2-1 Theo Furness (’59 )
3-1 Ben J. Everson (’90 )
Rautt spjald: Reynir Leósson (’87, Víkingur R. )

Víkingur Reykjavík mætti á Sauðárkrók í 6. umferð 1. deildar sumarið 2012. Fyrir leikinn voru liðin nokkuð jöfn á töflunni, Víkingar með sex stig en Tindastóll með fjögur en Víkingar töpuðu illa á móti Fjölni í síðasta leik meðan Tindastólsmenn náðu góðu jafntefli við granna sína í KA, í leik þar sem bæði liðin hefðu getað endað með stigin þrjú.

Á Sauðárkróki var veðrið skítsæmilegt, norðangarri þvert á milli hornfánana og Tindastólsliðið byrjaði með vindinn ská í bakið en Tindastólsmenn voru án unglingana Arnar Skúla og Fannars Kolbeins og þá var Haítíbúinn Max Touloute ,sem hefur verið að sýna frábær tilþrif að undanförnu, ekki með vegna meiðsla.

Víkingar byrjuðu leikinn töluvert betur, áttu nokkrar snarpar sóknir sem voru allar frekar svipaðar, þar sem boltinn kom nokkrum sinnum þvert inn fyrir vörn Tindastóls og að lokum endaði ein slík sókn með marki. Þversending, inn fyrir vörn Tindastóls frá vinstri kanti flaut yfir allan teiginn og endaði með því að hægri kanturinn Evan Swartz rak endapunktinn nokkuð auðveldlega.

Tindastólsstrákarnir voru hins vegar ekki lengi að jafna leikinn. Eftir gott uppspil náðu Tindastólsmenn að senda bakvörðinn Ingva Hrannar einan í gegn sem síðan renndi boltanum ákaflega óeigingjart til Fannars Freys Gíslassonar sem skoraði gott mark.

Nokkuð jafnræði var með liðinum það sem eftir leið hálfleiksins, ekki mikið af færum og Tindastólsmenn náðu að loka á þversendingar Víkinga sem reyndu í staðinn að fara upp miðjunni. En þar lentu þeir á bestu mönnum vallarins í dag, hinu mjög unga miðvararpari Tindastóls, Edvard Berki og Birni Antoni sem spiluðu vel allan leikinn.

Víkingar aðeins meira með boltann í síðari hálfleik en enginn færi til að telja litu dagsins ljós fyrr en 58. mínútu.  Theo smellti knettinum í hornið  og Tindastólsmenn komnir óvænt yfir.

Eftir markið féllu Tindastólsstrákarnir aðeins til baka en Víkingarnir náðu þó aldrei að vera neitt sérstaklega hættulegir nema þá kannski í föstum leikatriðum. Lang besta færi Víkinga til að jafna fékk Hjörtur Hjartarsson þegar boltinn datt fyrir framan hann en skotið fór langt framhjá markinu. Þá fékk Fannar Freyr gott færi fyrir Tindastól eftir gott uppspil en Þorvaldur Víkingsmarkvörður varði vel.

Í lok leiksins fékk Reynir Leósson sitt annað gula spjald fyrir að reyna stíga út framherjann Ben Everson í hraðri sókn Stólanna. Sanngjarnt spjald og Reynir hefði í raun átt að fá það mínútu áður þegar hann sýndi nákvæmlega sömu tilburði en í það skiptið fékk Ben Everson spjaldið fyrir eitthvað sem aðstoðardómari númer 2 sá.

Á síðustu mínútunni þegar Víkingarnir voru komnir vel framarlega náði títtnefndur Ben Everson að stela boltanum af Agli Atlasyni sem var aftasti maður Víkinga  og Ben brunaði að marki, lék á Þorvald markmann og rúllaði boltanum í markið.

Frábær sigur og sanngjarn hjá Tindastólsstrákunum. Nokkuð óvænt úrslit kannski fyrir utanaðkomandi en það hefur verið mikill stígandi í leik Tindastóls í síðustu leikjum. Tindastólsliðinu hefur gengið vel að skora, er það lið í deildinni sem hefur skorað næst flest mörk en að sama skapi verið það lið sem hefur fengið flest mörk á sig.

Leikskýrslu KSÍ má lesa hér.

Laxasetur Íslands á Blönduósi opnað

Laxasetur Íslands var opnað á Blönduósi 16.júní . Valgarður Hilmarsson, framkvæmdastjóri setursins, segir að Blönduós sé tilvalinn staður fyrir það, enda er helsta laxveiðiá landsins skammt frá.

Í laxasetrinu eru lifandi laxfiskar í aðalhlutverki. Sýningunni er skipt í þrjá meginkafla; líffræði, sögu og veiðar. Sérstaklega er fjallað um helstu laxfiska, umhverfi þeirra og helstu laxveiðiár. Valgarður segir að markmiðið sé að sýningin höfði til sem flestra, náttúrlega laxveiðimanna, einnig almennra ferðamanna og ekki síst barna.

Blanda er næsta laxveiðiá við Laxasetur Íslands og hún fær að renna gegnum sýninguna, þó einungis sem máluð á. Valgarður á von á fjölda gesta í sumar. Ferðamönnum fjölgi sífellt og vonandi njóti Laxasetrið góðs af því.

Heimild: rúv.is

Herflugvélar á Akureyrarflugvelli

Tvær óvenju stórar flugvélar mátti sjá á Akureyrarflugvelli í vikunni. Annars var um að ræða Boeing C17 Globemaster III herflugvél en hins vegar vél af gerðinni Antonov An-12.

Herflugvélin lenti hér til að sækja tækjabúnaðinn sem flugsveit bandaríska flughersins hefur notað æfingarnar undanfarnar vikur, m.a. svokallaðar þotugildrur og stefnuvita.

Antonov vélin, sem kemur frá Úkraínu, hefur hins vegar haldið hér til í nokkra daga og verið að fljúga til Meistaravíkur á Grænlandi með búnað til námuvinnslu sem er þar í undirbúningi. Í dag fer vélin áttundu og síðustu ferðina í bili.

Myndir má sjá hér.

Heimild: akureyrivikublad.is

Vaðlaheiðargöng á dagskrá

Nú í vikunni lauk þriðju og síðustu umræðu og atkvæðagreiðslu um fjármögnun Vaðlaheiðarganga. Málið var samþykkt með 29 atkvæðum gegn 13 og 5 sátu hjá.

Almenn gleði ríkir á Norð-austurlandi vegna þessa og er mál manna að framkvæmdin muni hafa jákvæð áhrif á margvíslegan hátt og ekki síst á bjartsýni fólks um að nú séu hin margumræddu hjól atvinnulífsins komin á ágætan skrið.

Nýjustu tölur frá Vinnumálastofnun sýna að atvinnuleysi er nú minna á Norð-austurlandi en verið hefur um langt skeið, eða 4,0% og hefur atvinnulausum einstaklingum fækkað um 170 frá sama mánuði 2011 en þá var atvinnuleysi á svæðinu 5,2%

17.júní á Akureyri

Hátíðarhöld á Akureyri þjóðhátíðardaginn 17. júní eru fjölbreytt að venju. Klukkan 12.45 byrjar Lúðrasveitin á Akureyri undir stjórn Alberto Carmona að spila í Lystigarðinum en þar hefst hefðbundin dagskrá klukkan 13 með fánahyllingu, hátíðarávarpi Eiríks Björns Björgvinssonar bæjarstjóra og hugvekju sem Pétur Björgvin Þorsteinsson djákni við Glerárkirkju flytur.

Karlakór Akureyrar – Geysir syngur undir stjórn Roars Kvam og grunnskólanemarnir Þóranna Lilja Steinke og Malik Stefán Turay flytja verðlaunaljóð sín úr ljóðasamkeppninni “Akureyri – brosandi bær” sem haldin var í tilefni af 150 ára afmæli Akureyrar. Dagskránni í Lystigarðinum lýkur klukkan 13.30 en þá verður skrúðganga þar sem leiðin liggur úr Lystigarðinum niður á Ráðhústorg.

Dagskráin á Ráðhústorgi er í umsjón Skátafélagsins Klakks og stendur frá klukkan 14-17 og svo aftur um kvöldið frá klukkan 21-01. Bæjarbúar og gestir geta reynt sig við ýmsar þrautir í hinu sívinsæla skátatívolíi. Kynnar í ár eru Gunnar Helgason og Felix Bergsson og meðal þeirra sem fram koma eru Marimbasveit Oddeyrarskóla, Dansfélagið Vefarinn, sönghópurinn Chorus, Lúðrasveitin á Akureyri, Leikhópurinn Lotta, Lilli Klifurmús, söngvarar frá Söngskóla Maríu Bjarkar, Jónsi, Ingó Hansen, atriði úr leikritinu Date, Svenni Þór og Regína Ósk. Að vanda marsera nýstúdentar úr Menntaskólanum á Akureyri á Ráðhústorg um miðnætti.

Auk dagskrárinnar á Ráðhústorgi verður árleg bílasýning Bílaklúbbs Akureyrar í Boganum frá klukkan 10-20, sögusigling með eikarbátnum Húna II kl. 17 þar sem fræðst verður um gömlu húsin við Strandgötuna og Oddeyrina og Leikhópurinn Lotta sýnir barnaleikritið Stígvélaði kötturinn í Lystigarðinum kl. 11 og aftur kl. 17.

Tom Cruise á Norðurlandi við upptöku kvikmyndar

Það blasir við að Tom Cruise æði sé í uppsiglingu á Norðurlandi í kjölfar fréttanna um komu bandaríska stórleikarans til landsins vegna töku á nýjustu mynd sinnar, Oblivion.  Nú síðdegis hafði verið komið upp vegatálmum  við afleggjarnn niður að Hrossaborg í Mývatnssveit vegna kvikmyndatökunnar en ekki er vitað hvort stórstjarnan er þar á staðnum. Tökur á myndinni munu fara fram víða um landið. Um 200 manna lið   mun komið til landsins af þessum sökum.

Cruise mun ætla að halda upp á 50 ára afmæli sitt í glæsivillunni Hrafnabjörgum, áður lúxusvilla Jóhannesar í Bónus, á meðan dvöl hans stendur í Vaðlaheiðinni þann 3. júlí. Það var Akureyri Vikublað sem vakti athygli á þessum þætti heimsóknarinnar, en fullyrt er að Thomas Martin Seiz, svissneski auðkýfingurinn sem keypti Hrafnabjörg, hafi leigt Hollywood leikaranum hús sitt. Cruise mun verja nokkrum vikum hér á landi við tökur en svo vill til að hann mun fagna 50 ára afmæli sínu á meðan Íslandsdvölinni stendurHugsanlegt er að Akureyringar og nærsveitarmenn gætu rekist á Tom Cruise á götu og þurfa í það minnsta ekki að kippa sér upp við að sjá stórleikaranum bregða fyrir.

Heimild: vikudagur.is

Lottóvinningshafinn á Akureyri ófundinn

Lottóvinningshafinn sem vann 73 milljónir um síðustu helgi hefur ekki enn gefið sig fram. Miðinn var keyptur í Leirunesti á Akureyri fyrir síðustu helgi og var greitt fyrir hann með reiðufé. „Við bíðum bara spennt eftir að vinningshafinn gefi sig fram. Það getur tekið fólk allt að þrjá daga að jafna sig af svona tíðindum en þetta er orðið óvenju langur tími,“ sagði starfsmaður hjá Íslenskri getspá við vefmiðillinn Vikudag.is.

Starfsfólk Íslenskrar getspáar hvetja alla til þess að fara vel yfir miðana sína sem keyptu miða í Leirunesti fyrir sl. helgi, greidda með reiðufé. Vinningstölurnar voru 14, 17, 21, 28, 33 og bónustalan var 1.

Pollamót Þórs á Akureyri í júlí

Pollamót Þórs og Icelandair, fyrir eldri knattspyrnupilta- og stúlkur, verður haldið í 25. skipti á Þórssvæðinu á Akureyri 6. og 7. júlí næstkomandi. Mikið verður um dýrðir og flott skemmtiatriði á mótssvæðinu við Hamar bæði að kvöldi föstudags og laugardags í tilefni afmælisins, og 150 ára afmælis Akureyrarkaupstaðar. Leikið er á föstudag og laugardag.

Stefnt er að því að mótið verði sannkölluð fjölskylduhátíð, leiktæki verða á svæðinu fyrir börn allan tímann og á föstudagskvöldið verður grillveisla þar sem hægt verður að kaupa veitingar gegn vægu gjaldi. Jónsi, söngvari hljómsveitarinnar Í svörtum fötum, treður m.a. upp á föstudagskvöldið og við verðlaunaafhendingu á laugardagskvöldinu verður Ingó Veðurguð með tónleika. Þá verður einnig grillveisla við Hamar.

Ókeypis tjaldstæði eru í boði á svæðinu fyrir þátttakendur og fjölskyldur þeirra. Keppt er í tveimur flokkum kvenna: 20 ára og eldri etja kappi í Skvísudeild og 30 ára og eldri í Ljónynjudeild. Karlaflokkarnir eru þrír: 30 ára og eldri taka þátt í Polladeild, 40 ára og eldri í Lávarðadeild og 45 ára og eldri reyna með sér í Öldungadeild

Heimild: vikudagur.is

Jónsmessuhátíð á Hofsósi

Um næstu helgi verður hin árlega Jónsmessuhátíð haldin á Hofsósi. Fyrsta atriði hátíðarinnar verður miðnæturhlaup sem hefst fimmtudaginn 14. júní kl. 22.

Þetta er í 10. skiptið sem Jónsmessuhátíðin er haldin á Hofsósi og var  hún fyrstu árin haldin þá helgi sem nær var Jónsmessunni. Hin síðari ár hefur hún hins vegar verið fest á þriðju helgina í júní og hittist þannig á núna að sjálf Jónsmessan er á þeirri fjórðu.

Dagskráin verður með svipuðu sniði og undanfarin ár. Meðal skemmtikrafta á hátíðinni má nefna að Jóhannes eftirherma sem verður á kvöldvöku á föstudagskvöld og Vinir Sjonna halda uppi stuði á stórdansleik á laugardagskvöldinu.