Arionbanki lokar útibúi í Ólafsfirði

Arion banki hefur sent frá sér tilkynningu um sameiningar á útibúum víðsvegar á landinu. Útibúið í Ólafsfirði mun sameinast útibúinu á Siglufirði. Samkvæmt tilkynningu mun þetta gerast í maímánuði. Áfram verður hraðbanki í Ólafsfirði þar sem m.a. er hægt að taka út og leggja inn seðla, greiða reikninga og millifæra.

Útibú Arion banka á Akureyri, Blönduósi munu flytja í nýtt húsnæði. Unnið er að því að velja nýtt húsnæði en við val á nýjum staðsetningum verður einkum horft til góðs aðgengis, möguleika á sveigjanlegri afgreiðslutíma og sólarhringsaðgengi að sjálfsafgreiðslulausnum.