47 þúsund gestir í sundlaugunum í Skagafirði í sumar

Sundlaugarnar í Skagafirði voru vel sóttar í sumar og var aukning frá því sumarið 2018. Gestir sundlauganna í sumar voru ríflega 47 þúsund og er það um 6% aukning frá síðasta ári. Fjöldi gesta sem sóttu sundlaugina í Varmahlíð tvöfaldaðist milli ára en mesta aukning þar er meðal barna sem rekja má til hinnar nýju og glæsilegu rennibrautar.

Frá þessu var fyrst greint á vef Skagafjarðar.is